ପ୍ରଗତିଶୀଳ ମସିହା, ନିର୍ଭୀକ I ନିର୍ଭୟ I ନିରପେକ୍ଷ
Uncategorized

ତୃପ୍ତି ରାଣୀ ପାତ୍ର ଙ୍କ କବିତା ସେବା ଦାନ ଧର୍ମ

ସେବା ଦାନ ଧର୍ମ

ତୃପ୍ତି ରାଣୀ ପାତ୍ର

ଜୀବନ ଯୌବନ ଅଳିକ ସପନ
ନରଖି ତହିଁରେ ମନ 
କ୍ଷଣସ୍ଥାୟୀ ସେହି ରୂପ ଯଉବନ
ତହିଁରେ ନଦେବା ଧ୍ୟାନ ।
ସେବା ଦାନ ଧର୍ମ ଅଟେ ମୂଲ୍ୟବାନ  
ଚିରସ୍ଥାୟୀ ଜଳସ୍ରୋତ
ସେ ଝରର ଜଳ ଶୁଷ୍କ ନ ହୋଇବ
ଅମୃତ ନିର୍ଝର ସ୍ରୋତ ।
ଭୋଗ ବିଳାସରେ ଧନ କରି ବ୍ୟୟ 
ନମିଳେ ସ୍ୱର୍ଗରେ ସ୍ଥାନ 
ସେବିଲେ ଦୁଃସ୍ଥ ହୋଇଲେ ସହାୟ  
ହୋଇବ ତାହା ଗ୍ରହଣ ।
ଅଢେଇ ଦିନିଆଁ ସଂସାରର ଖେଳ
ହୋଇଯିବ ଦିନେ ଶେଷ
ମୋହମାୟା ଛାଡି ଆସିଯିବ କାଳ
ଶରୀର ହେବ ଅବଶ ।
ସେବା ଧର୍ମ ଧନ ମହତ ପଣିଆ
ସେଗୁଣେ ହୋଇବା ଧନୀ  
ଧନଲୋଭ ତ୍ୟାଗୀ ଅନେ କରି ଆହା
କର୍ମେ ରଖି ଚେତାବନୀ ।
ଜନ୍ମ ମୃତ୍ୟୁ ଏହା ଚିରନ୍ତନ ସତ୍ୟ 
 ରଖି ଥିବା ମନେ ସଦା 
ସେବା ଦାନଧର୍ମ ଚିରସ୍ଥାୟୀ ନିତ୍ୟ
 ସେହି ଧନେ ଧନୀ ହେବା ।

ସହଦେବଖୁଣ୍ଟା, ବାଲେଶ୍ଵର 

Related posts

ପଣସ ଗଛରୁ ପଡି ଜଣେ ବ୍ଯକ୍ତି ଗୁରୁତର

Sunil Chandra Nayak

ଜିଲ୍ଲା ଆଇନ ସେବା ପ୍ରାଧିକରଣ, ନବରଙ୍ଗପୁର ହସ୍ତକ୍ଷେପରୁ ବୃଦ୍ଧାଙ୍କୁ ମିଳିଲା ବାର୍ଦ୍ଧକ୍ୟଭତ୍ତା

Sunil Chandra Nayak

ଖଡ଼ିଆଳ ଗାନ୍ଧି ନଗର ରେ ନିଆଁ

Leave a Comment

error: Content is protected !!