ଜଣାଣ

ମାନଗୋବିନ୍ଦ ସ୍ବାଇଁ

ମନ୍ଦିର ଯାଉଛି ଫୁଲ ଡାଲା ଧରି

   ସଙ୍ଗେ ନେଇ ଧୂପ ଦୀପ

ଅର୍ପଣ କରିବି ମୋ ପୂଜା ସାମଗ୍ରୀ

   ଭକ୍ତିରେ ଛାଡ଼ୁ ମୋ ପାପ।

ଦୋଷ ଗୁଣ କ୍ଷମା ମାପ କରି ଦିଅ

    ଧରୁଛି ତବ ଚରଣ

କାହା ପାଇଁ କ୍ଷମା କା ଦୁଃଖ ଲାଘବ

    ଦେଉଛ ତୁମେ ପ୍ରମାଣ।

ମୁଁ ଜଣେ ଅଧମ କାନ୍ଦି କାନ୍ଦି ଡାକି

    ହେଉଛି ଅଧର୍ଯ୍ୟ ହରି

ମୋ ଡାକ ଗୁହାରୀ ଶ୍ରବଣ କରିକି

   ଦୁଃଖ ମୋ କରିବ ପାରି।

ଜୀବନ ଦୁଃଖ ରେ ଯନ୍ତ୍ରଣା ଭୋଗୁଛି

    ସହିବାକୁ ଦିଅ ଧର୍ଯ୍ୟ

ନେବ ଯଦି ନିଅ ପ୍ରାଣ ପକ୍ଷୀ ଯିବ

    ପ୍ରାଣରେ ନାହିଁ ମାଧୁର୍ଯ୍ଯ।

ତୋର ନାମ ଗାଇ ଆନନ୍ଦ ପାଉଛି

    ତୋ ନାମ ଛାଡ଼ିଲେ ଦୁଃଖ

ତୋତେ ନ ଦେଖିଲ ମନମୋ ବିମୁଖ

    ଦେଖିଲେ ଆସଇ ସୁଖ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା