ଜଣାଣ

ମାନଗୋବିନ୍ଦ ସ୍ବାଇଁ

ଭକ୍ତି ଭାବନାରେ ଆଳତୀ ବେଳରେ

   ପ୍ରଭୁ ଶୁଣ ମୋର ବାଣୀ

ଶଂଖ ଧ୍ବନି ମନ୍ତ୍ର କର୍ଣ୍ଣ କୁ ପବିତ୍ର 

    ବୁଝ ମୋ ଅନ୍ତର ଗୁଣି।

ସଞ୍ଜ ବତୀ ଦେଇ କରୁଛି ପ୍ରାର୍ଥନା

     ଜଗତ ମଙ୍ଗଳ ପାଇଁ

ଭଲରେ ରଖିବ ଶାନ୍ତିରେ ରଖିବ

   ହେ ବିଶ୍ବ କଳା ଗୋସାଇଁ।

ମୋ ମନ ପସନ୍ଦ ଦେଉଛ ଆନନ୍ଦ

    ସଂସାର ମଙ୍ଗଳ ହେଉ

ସୁଖଦୁଃଖ ମିଶି ଜଗତ ରହିଛି

    ଭକ୍ତିରେ ମୋ ମହାବାହୁ।

ନିତି ହାତ ପାତି ଖାଉଛି ଅବଢ଼ା

    ନିଦ୍ରା ମୋର ବଡ଼ଦାଣ୍ଡେ

ସ୍ନାନସାରି ମୁହିଁ ଦର୍ଶନ କରୁଛି

   ତୂଳସୀ ପାଇ ମୁ ତୁଣ୍ଡେ।

କେତେ ଯେ ଶରଧା ବଢୁଛି ଅନ୍ତର

   ଭିତରେ ନାହିଁ ପ୍ରବେଶ

ବାହାର ଆସିଲେ ବରଷକୁ ଥରେ

    ଭକ୍ତିରେ କରି ପ୍ରକାଶ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା