ଜଣାଣ

ମାନଗୋବିନ୍ଦ ସ୍ବାଇଁ

ଦେହରେ ନାହିଁ ମୋ ଖଟିବାର ବଳ

    ଦେହ ହେଲାଣି ଦୁର୍ବଳ

ତଥାପି ଜଗାରେ ତୋ ଭାବରେ ମୁ

    କରିଦେ ଦେହ ଶବଳ।

ତୋ ପବନ ବାଜି ମୋ ମନ ନିର୍ମଳ

    ଭକ୍ତିରେ କରୁଛି ସ୍ତୁତି

ଭଜନ ଜଣାଣ କୀର୍ତ୍ତନ ଗାଇ ମୁ

    ମୋ ଜୀବନ ଦିଅ ଶାନ୍ତି।

ନିଜକୁ ପ୍ରତିଜ୍ଞା କରୁଛି ସମୀକ୍ଷା 

   ଦୋଷାଦୋଷ କ୍ଷମା କର

ଧରୁଛି ଚରଣ ମାଗୁଛି ଶରଣ

   ତୁମେ ମୋ ଭକ୍ତି ଈଶ୍ୱର।

ମନରେ ସାଇତି ପୂଜା କରୁ ନିତି

   ଭକ୍ତିରେ ଭାବରେ ପୂଜା

ଯଶ଼ଃ ଗୁଣ ସବୁ ପ୍ରଚାର କରୁଛି

   ଉଡ଼ାଇ ତୁମ୍ଭର ଧ୍ଵଜା।

ପ୍ରଭୁ ଡାକ ଶଦ୍ଦ ଯେତେ ଦୂର ଯିବ

    ତ୍ରିଭୂବନ ଦିଅ ବଳ

ହରିରାମ ଭଜି ତରିଗଲେ ଭକ୍ତ

     ଶାନ୍ତି ମିଳେ ଭୂମଣ୍ଡଳ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା