ଜଣାଣ
ମାନଗୋବିନ୍ଦ ସ୍ବାଇଁ
କୁବୁଧି ନଆସୁ ମୋ ମନ ଭିତରେ
ସୁବୁଧି ଦିଅ ଅନ୍ତରେ
ପ୍ରାର୍ଥନା କରୁଛି ଜଣାଣ ଗାଉଛି
ଭକ୍ତି ଦିଅ ମୋ ଠାକୁରେ।
ସବୁ ଆଶା ରଖି ତୁମ ପାଦ ତଳେ
କରିଛି ଜୀବନ ସାହା
ବିପଦ ଆପଦେ ଠିଆ ହେଉ ଥିବୁ
ତୁମେ ମୋର ପ୍ରାଣ ନାହା।
ଏତିକି କରୁଣା କର ନାହିଁ ଊଣା
ଗୁହାରୀ ମୋ ନିବେଦନ
ସକଳ ଉଦ୍ଧାର କରିଛ ଆପଣ
ଗଜକୁ ଦେଲ ପ୍ରମାଣ।
ତୁମ ଯଶ଼ଃ କୀର୍ତ୍ତି ବାନାତ ଉଡୁଛି
ହରିବୋଲ ହରି ଧ୍ବନି
ଶ୍ରବଣ କରିଲେ ଦୁଃଖ ଦୂର ହୁଏ
ଶାନ୍ତି ଆସେ ଆତ୍ମା ପୁଣି।
ସଭିଙ୍କ ଭିତରେ ଭକ୍ତି ଦିଅ ଭରି
ସୁଖଦୁଃଖ ସର୍ବେ ମିଶ
ଅନ୍ତର ମଧ୍ୟରେ ପ୍ରଭୁଙ୍କୁ ଖୋଜିବା
ମନ୍ତ୍ର ଜପ ଧ୍ୟାନେ ବସ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
