ଶେଷ ଚିଠି
ଚିଠି ଲେଖି ଲେଖି ଥକି ମୁଁ ପଡିଛି
ଉତ୍ତର ଖୋଜିଛି ଯେବେ
ନର୍କ ଘାଣ୍ଟି ମିଛ ମାୟା ସଂସାରରୁ
ଉଧାର ପାଇବି କେବେ ।।
ସପ୍ତ ରଥି ମଧ୍ୟେ ଅଭିମନ୍ୟୁ ପରି
ଅନୁଭବ ହୁଏ ମୋର
ମୁଇଁ ତୋ ଭକତ ଦୁଃଖ ବୁଝିବାକୁ
ଟିକେ ଚିନ୍ତା ନାହିଁ ତୋର ।।
ଅପରାହ୍ନଟାରେ ଦିଶୁଅଛି ମତେ
ଚତୁର୍ଦିଗେ ଅନ୍ଧକାର
ଜଗବନ୍ଧୁ ହେ! କୃପା ନ କରିଲେ
ଜୀବନରୁ ମତେ ମାର ।।
ଏହି ଶେଷ ଚିଠି ଲେଖି ଜଣାଉଛି
ବିଚାରିବ ମହାବାହୁ
ଭକତ ଦୁଃଖରେ ତୁ ପରା ଦୁଃଖୀଟେ
ଆନନ୍ଦେ କେମିତି ରହୁ ??
ଶେଷ ନିଶ୍ୱାସେ ବି ବିଶ୍ବାସ ରଖିଛି
ତୋ ଚରଣେ ଚକାଆଖି
ତବ ନାମ ଗାଇ ଜୀବନେ ଚାଲୁଛି
ଭକତି ରସକୁ ମାଖି ।।
ଅପେକ୍ଷା କରିଛି ଉତ୍ତରକୁ ତୁମ୍ଭ
ତୁନି ନ ରହିବ ପ୍ରଭୁ
ଦୁଃଖ ଯଦି ମୋର ନାଶି ନ ପାରିବ
ପ୍ରାଣ ମୋର ନେଇ ଯିବୁ ।।
ନିକୁଞ୍ଜ କୁମାର ଘୋଷ
ସା-ମାଧବପୁର ପୋ-ଲକ୍ଷ୍ମଣନାଥ
ଥାନା-ଜଳେଶ୍ୱର ଜିଲ୍ଲା-ବାଲେଶ୍ବର ଓଡିଶା ପିନ୍-756032
