ଜଣାଣ

 ମାନଗୋବିନ୍ଦ ସ୍ବାଇଁ

ମୋ ମନ ମନ୍ଦିର ମୋ ପୂଜା ଦେବତା

    ଭକ୍ତିରେ ଜାଳୁଛି ଦୀପ

ଦୋଷ କ୍ଷମା କର ଜୀବନର ଯେତେ

   ଛାଡ଼ି ଯାଉ ମୋର ପାପ ।

ଭକ୍ତିର ଭାବରେ ପ୍ରାର୍ଥନା କରୁଛି

    ଜୀବନ ଦିଅ ଶୃଂଖଳା

ତପ ଜପ କରି ଧରଣୀ କି ଆସୁ

   ଶାନ୍ତିର ଏକତା ମେଳା।

କେତେ ଦିନ ଧରି ଜନତା କନ୍ଦାଇ

   ଖୁସିରେ କ’ଣ ରହିବ

ଶୁଣିବା ହୋଇବ ତାଙ୍କ ବାକ୍ୟସବୁ

    ସମାଧାନ ଦିଅ ଭାବ।

ଭକ୍ତ କହେ ହରି ସଂକୀର୍ତ୍ତନ କରି

     ଅନୁଭବ ମୋ ଭକ୍ତିରେ

ନଦିଆ କୀର୍ତ୍ତନ ଭଜନ କରୁଛି

    ତୁମେ ଅଛ ମୋ ହୃଦରେ।

ତୁମେ ଅଛ ପ୍ରଭୁ ଭଜନ ଜଣାଣ

     ସଂଗୀତ ସ୍ବର ଭିତରେ

 ତାଳ ଦେଇ ଗାନ ଭାବରେ ଭଜିଲେ

    ଭକ୍ତି ଆସେ ମୋ ହୃଦ ରେ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା