ମୋ ସିଦ୍ଧାର୍ଥ ର ଜନ୍ମ ଦିନ ପାଇଁ
ନନ୍ଦିନୀ ରାଉତ
ଆଜି ବାପ ତୋତେ କହୁଛି ବୁଝାଇ
ଶୁଣ ଦେଇ ତୁହି ମନ
ମୋ ରଙ୍କ ରତନ ମୋ ନୟନ ମଣି
ତୁହି ମୋ ଜୀବନ ଧନ।1।
ସରଗ ସୁଷମା ଲବଣୀ ପିତୁଳା
ଅଟୁ ତୁହି ସୁକୁମାର
ମାଆ ର କଲ୍ୟାଣ ଅମୃତ ଆଶିଷ
ନେଇ ଚଳିବୁ କୁମର।2।
ସତ୍ୟ ପଥେ ସଦା ବାଟ ଚାଲୁଥିବୁ
ନ୍ୟାୟ ହେବ ତୋ ଭୂଷଣ
ଜ୍ଞାତ ହେଉ ଅବା ଅଜ୍ଞାତ ରେ ହେଉ
ନ ଦେବୁ କା, କୁ କଷଣ।3।
ହୃଦୟ ରେ ସଦା କରୁଣା ରଖିବୁ
ଜୀବେ କରୁଥିବୁ ଦୟା
ଏ ଭବ ସଂସାର ଅଟଇ ଅସାର
ଲାଗିଛି ରେ ଖାଲି ମାୟା।4।
ଦୁଃଖୀ ରଙ୍କି ଭୋକି ପ୍ରତି ଦୟାଭାବ
ରଖିଥିବୁ ସଦା ମନେ
ଚାଟୁକାର କେବେ ହେବୁ ନାହିଁ ତୁହି
ମିଛ ନ ଶୁଣିବୁ କାନେ।5।
ଦୁଷ୍ଟ ଜନ ଠାରୁ ଦୂରେଇ ରହିବୁ
ସର୍ପଠାରୁ ଭୟଙ୍କର
ନିକଟେ ତାଙ୍କର କଦାପି ନ ଯିବୁ
କରିବେ ସେ ନାରଖାର।6।
ଗୁରୁଜନେ ସଦା ପ୍ରଣିପାତ କରି
ସେବା ଯତ୍ନ କରୁଥିବୁ
ଗୁରୁ ଦୟା କଲେ ଅସାର ସଂସାର
ଅକ୍ଲେଶ୍ରେ ତରିଯିବୁ।7।
ଜଗତର ନାଥ କରନ୍ତୁ କଲ୍ୟାଣ
ସୁଖେ ବିତୁ ତୋର ଦିନ
ଆଜି ଜନ୍ମଦିନେ କରୁଛି କଲ୍ୟାଣ
ହେଉ ତୋ ଜୀବନ ଧନ୍ୟ।8।
