କାମାକ୍ଷାନଗର (ମ ନି ସ): ଚଳିତ ମାସ ୧୧ ତାରିଖରୁ ୧୭ ତାରିଖ ପର୍ଯ୍ୟନ୍ତ ଢେଙ୍କାନାଳ ଷ୍ଟାଡିଅମ ଠାରେ ଅନୁଷ୍ଠିତ ୧୭ ବର୍ଷ ରୁ କମ ଜିଲ୍ଲା ସ୍ତରୀୟ ଆନ୍ତଃ ବିଦ୍ୟାଳୟ ଫୁଟବଲ ଟୁର୍ଣ୍ଣାମେଣ୍ଟ ରେ କାମାକ୍ଷାନଗର ବ୍ଲକ ର ବାଳିକା ବର୍ଗରେ ବାଳିକା ଦଳ ପ୍ରଥମ ସ୍ଥାନ ଓ ବାଳକ ବର୍ଗରେ ବାଳକ ଦଳ ଦ୍ଵିତୀୟ ସ୍ଥାନ ଅଧିକାର କରିଥିବାରୁ ବ୍ଲକ ଶିକ୍ଷା କାର୍ଯ୍ୟାଳୟ ପକ୍ଷରୁ ଉକ୍ତ ଦଳଙ୍କୁ ସମ୍ବର୍ଦ୍ଧନା ଦିଆଯାଇଛି । ମୁଖ୍ୟଅତିଥି ରୂପେ ଭାରପ୍ରାପ୍ତ ଶିକ୍ଷା ଅଧିକାରୀ ଜଗବନ୍ଧୁ ଜେନା ଯୋଗ ଦେଇ ସଫଳ ପ୍ରତିଯୋଗୀ ମାନଙ୍କୁ ପୁଷ୍ପଗୁଚ୍ଛ ପ୍ରଦାନ କରି ସମ୍ବର୍ଦ୍ଧିତ କରିଥିଲେ । ପୁଅ ମାନଙ୍କ ପରି ଝିଅ ମାନେବି ସବୁକ୍ଷେତ୍ରରେ ଅଗ୍ରଣୀ ଭୂମିକା ଗ୍ରହଣ କରିବା ଦରକାର । ପାଠ ପଢା ସହିତ ଖେଳକୁଦ ସହ ମଧ୍ୟ ପ୍ରତ୍ୟେକ ଛାତ୍ରଛାତ୍ରୀ ଅଙ୍ଗାଙ୍ଗୀ ଭାବେ ଜଡ଼ିତ ହେବା ଦରକାର । ଶୃଙ୍ଖଳା ର ସହ ଆଗାମୀ ଦିନରେ ଖେଳାଳୀ ମାନେ ଉତ୍ତମ କ୍ରୀଡା ପ୍ରଦର୍ଶନ କରି କାମାକ୍ଷାନଗର କୁ ସର୍ବଦା ଏକ ନମ୍ବର କରିବାକୁ ମୁଖ୍ୟଅତିଥି ଆହ୍ୱାନ ଦେଇଥିଲେ। ସମ୍ମାନିତ ଅତିଥି ରୂପେ ଏ ବି ଓ କୃଷ୍ଣଚନ୍ଦ୍ର ଭୋଇ ଉପସ୍ଥିତ ଥିଲେ । ଟୁର୍ଣ୍ଣାମେଣ୍ଟ ର ଜେନେରାଲ ମ୍ୟାନେଜର ଭାବେ କ୍ରୀଡା ଶିକ୍ଷକ ପ୍ରତାପ ସାମନ୍ତ , ବାଳକ ଟିମ ମ୍ୟାନେଜର ଦେଵଦତ୍ତ ସାହୁ ,ବାଳିକା ଟିମ ମ୍ୟାନେଜର ଗୁପ୍ତେଶ୍ଵରୀ ମହାନ୍ତ , ସେହିପରି ବାଳକ କୋଚ ସନ୍ତୋଷ ମଲ୍ଲିକ , ବାଳିକା କୋଚ ପ୍ରିତିପୁଷ୍ପା ପରିଡା , ଅଫିସିଆଲ ଭାବେ ବାନାର୍ଜୀ ମହାନ୍ତି , ରାମକୃଷ୍ଣ ବେହେରା , ଲକ୍ଷ୍ମଣ ନାୟକ , ସୁଶାନ୍ତ ନାଥ , କ୍ରୀଡା ଶିକ୍ଷକ ସୁରେନ୍ଦ୍ର ସାହୁ , ଶିକ୍ଷୟିତ୍ରୀ ଦେବସ୍ମିତା ନାୟକ ପ୍ରମୁଖ ଉପସ୍ଥିତ ଥିଲେ । ପ୍ରକାଶ ଥାଉ କି ବାଳିକା ଦଳ ର ଖେଳାଳି ମାନଙ୍କ ମଧ୍ୟରୁ ୧୦ ଜଣ କେବଳ ସ୍ଥାନୀୟ କାନପୁରା ସ୍ଥିତ ପଞ୍ଚାୟତ ରାଜ ଉଚ୍ଚ ବିଦ୍ୟାଳୟର ଛାତ୍ରୀ ଥିଲେ । ସାଧାରଣ ମହଲରେ ଖେଳାଳି ମାନଙ୍କୁ ବହୁତ ପ୍ରଶଂସା ମିଳୁଛି ।
କାମାକ୍ଷନଗର ରୁ ପ୍ରହଲ୍ଲାଦ ମୁଦୁଲି ଙ୍କ ରିପୋର୍ଟ୍