ପାପଡାହାଣ୍ଡି,19/10, ମନିସ — ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକର ବସଷ୍ଟାଣ୍ଡ ଚାରି ଛକ ଠାରେ ରାଜ୍ୟ ପରିବହନ ବିଭାଗ ନିର୍ଦେଶ କ୍ରମେ ବୁଧବାର ସ୍ଥାନୀୟ ପୋଲିସଙ୍କ ଦ୍ୱାରା ବାଇକ ଯାଞ୍ଚ କରାଯାଇଥିଲା । ବାଇକ ଯାଞ୍ଚ ପାପଡ଼ାହାଣ୍ଡି ପୋଲିସ ଚେକ୍ ପୋଷ୍ଟ ଠାରେ ସକାଳ ୧୦ଘଣ୍ଟା ସମୟ ଠାରୁ ଆରମ୍ଭ କରାଯାଇଥିଲା | ଏହି ଯାଞ୍ଚରେ ୪୫ରୁ ଉର୍ଦ୍ଧ ବାଇକ ଆରୋହୀଙ୍କ ଗାଡି କାଗଜପତ୍ର ଡ୍ରାଇଭିଙ୍ଗ ଲାଇସେନ୍ସ ଯାଞ୍ଚ କରାଯାଇଥିଲା |
୪ ଜଣ ବାଇକ ମାଲିକଙ୍କ ଲାଇସେନ୍ସ ରଦ୍ଧ କରାଗଲା ଓ ଅନ୍ୟ ବାଇକ୍ ମାଲିକଙ୍କ ଠାରୁ ୧ ହଜାର ଟଙ୍କା ଫାଇନ ଆଦାୟ କରାଯାଇଥିଲା । ରାଜ୍ୟ ପରିବହନ ବିଭାଗଙ୍କ ନିର୍ଦେଶ କ୍ରମେ ଯାଞ୍ଚ 4/5 ଦିନ ଧରି ଚାଲିବ ଓ ଯାଞ୍ଚ ରେ ହେଲମେଟ୍, ଡି.ଏଲ୍, ଆର.ସି, ଇନ୍ସୁରାନ୍ସର କାଗଜ ପତ୍ର ଯାଞ୍ଚ କଡ଼ାକଡ଼ି ରହିବ | ଯାଞ୍ଚ ସମୟରେ ସବ୍ ଇନ୍ସପେକ୍ଟର ଶିବଜୀ ପଣ୍ଡା, ଏ.ଏସ.ଆଇ ଏ.ଏଚ ଭତ୍ରା ,ଆଇ.ଆର.ବି ଷ୍ଟାଫ୍ ପ୍ରମୁଖ ଉପସ୍ଥିତ ରହି ସହଯୋଗ କରୁଥିଲେ।
ପାପଡାହାଣ୍ଡି ରୁ ସ୍ବପ୍ନ ଜିତ୍ ପଟନାୟକ ଙ୍କ ରିପୋର୍ଟ
