ନୂଆପଡା ଜିଲ୍ଲା ଖଡ଼ିଆଳ ବ୍ଲକ ଅନ୍ତର୍ଗତ ବରଗାରେ ଯୁବତୀଙ୍କ ଆତ୍ମହତ୍ୟା,ଯୁବତୀଙ୍କ ଭାଇଙ୍କ ପକ୍ଷରୁ ଥାନାରେ ହତ୍ୟା ଅଭିଯୋଗ , ଯୁବତୀଙ୍କ ସ୍ୱାମୀ ଅଟକ। ଅଭିଯୋଗ କରି ଭାଇ ଚୁଡାମଣି ଖମାରୀଙ୍କ ଖଡ଼ିଆଳ ଥାନାରେ ଲିଖିତ ଅଭିଯୋଗ ଅନୁଯାଇ ଗତ ଗୁରୁବାର ଦିନ ଚୁଡାମଣି ଖମାରି ଓ ତାଙ୍କ ମା ଗ୍ରାମ ମୂଷାପାଲି, ଥାନା କୋମନା, ଜିଲ୍ଲା ନୂଆପଡା ରୁ ଖଡ଼ିଆଳ ବ୍ଲକ ବରଗାରେ ଦେଇଥିବା ତାଙ୍କ ଭଉଣୀ ବିଳାସିନୀ ଶବର (୩୦) ଙ୍କ ଘରକୁ ଦେଖିବାକୁ ଆସିଥିଲେ ଓ ନିଜ ଗ୍ରାମ ମୂଷାପାଲିକୁ ଫେରି ଯାଇଥିଲେ । ସୋମବାର ଦିନ ସକାଳେ ବିଳାସିନୀ ଶବରଙ୍କ ସ୍ୱାମୀ ରୋହିତ ଶବର ଭାଇ ଚୁଡାମଣି ଶବରଙ୍କୁ ଫୋନ ଯୋଗେ ଜଣାଇଥିଲେ ଯେ ତୁମ ଭଉଣୀ ବିଲସିନୀ ମୃତ୍ୟୁ ବରଣ କରିଛନ୍ତି । ଚୁଡାମଣି ଆସି ଦେଖିଲା ପରେ ପ୍ରକୃତରେ ଭଉଣୀ ବିଲସିନୀ ମରି ପଡିଛି । ଅଭିଯୋଗ ଅନୁଯାୟୀ ବିଗତ ଦିନରେ ରୋହିତ ଶବର ବିଳାସିନୀଙ୍କୁ ପରକୀୟା ପ୍ରୀତି ନେଇ ଝଗଡା କରି ଆସୁଥିଲେ । ସେନେଇ ବିଳାସିନୀଙ୍କୁ ହତ୍ଯା କରି ଆତ୍ମହତ୍ୟା ବୋଲି କହୁଥିବା ଅଭିଯୋଗ କରିଛନ୍ତି । ପୁଲିସ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି । ଖଡ଼ିଆଳ ପୁଲିସ, ସାଇଣ୍ଟି ଫିକ୍ସିଂ ଟିମ ଓ ସନ୍ଧାନୀ କୁକୁର ନେଇ ଏସ୍ଡିପିଓ ସନ୍ତକ ଜେନା ଓ ଥାନା ଅଧିକାରୀ ଅନିରୁଦ୍ଧ ମୁଦୁଲିଙ୍କ ନେତୃତ୍ୱରେ କେଶ ନଂ ୧୨୭/୨୨ ମାମଲା ରୁଜୁ କରି ସ୍ୱାମୀ ରୋହିତ ସବରଙ୍କୁ ଅଟକ ରଖି ଘଟଣାର ଅଧିକ ତଦନ୍ତ କରୁଛନ୍ତି । ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
