ପାପଡାହାଣ୍ଡି, 1/11, ମନିସ — ପାପଡାହାଣ୍ଡି ବ୍ଲକ ସଦର ମହାକୁମାରୁ ତଣ୍ଡାଗୁଡା ଯିବା ରାସ୍ତାରେ ମଂଗଳବାର ଏକ ଆମ୍ବୁଲାନ୍ସ ଧକ୍କାରେ ଜଣେ ବାଇକ ଚାଳକ ଗୁରୁତର ଆହତ ହୋଇଛନ୍ତି | ସେ ସୋରିଷ ପଦର ଗ୍ରାମର ଡମୁ ଯାନୀ ବୋଲି ଜଣାପଡିଛି | ତାଙ୍କୁ ପ୍ରଥମେ ପାପଡାହାଣ୍ଡି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ଓ ପରେ ଜିଲ୍ଲା ମୁଖ୍ୟଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା | ସୂଚନା ମୁତାବକ ଡମୁ ଏକ ବାଇକ ନମ୍ବର OD 24G 1637 ରେ ପାପଡାହାଣ୍ଡି ଆସି ସୋରିଷ ପଦର ଫେରିବା ସମୟରେ ବିପରୀତ ଦିଗରୁ ଆସୁଥିବା ଏକ ଆମ୍ବୁଲାନ୍ସ ତାଙ୍କୁ ଧକା ଦେଇ ଚାଲି ଯାଇଥିଲା | ଏଥିରେ ଡମୁ ଛିଟିକି ଯାଇ ରାସ୍ତା ଉପରେ ପଡ଼ିଥିଲେ | ଖବର ପାଇ ପାପଡାହାଣ୍ଡି ଅଗ୍ନିଶମ ବିଭାଗ କର୍ମଚାରୀ ପହଁଚି ଡମୁ ଙ୍କୁ ଉଦ୍ଧାର କରି ପାପଡାହାଣ୍ଡି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ | ଆମ୍ବୁଲାନ୍ସର ସୂଚନା ମିଳିନାହିଁ |
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ
