ଲାଞ୍ଜିଗଡ଼,୦୧/୧୧(ମନିସ)-ଆଇ ସହିତ ପୋଖରୀକୁ ଗାଧୋଇବାକୁ ଯାଇଥିବାବେଳେ ପାଣିରେ ବୁଡ଼ି ଜଣେ ନାବାଳକର ଦୁଃଖଦ ମ୍ରୁତ୍ୟୁ ଘଟିଛି ! ଏ ଖବର ପ୍ରଚାରିତ ହେବା ପରେ ଅଞ୍ଚଳରେ ଶୋକର ଲହରୀ ଖେଳିଯାଇଛି ! ଖବର ଅନୁଯାୟୀ, ଲାଞ୍ଜିଗଡ଼ ନିକଟସ୍ଥ କାଶିବାଡ଼ିରେ ରହୁଥିବା ଜଣେ ବ୍ୟକ୍ତିଙ୍କ ଦୁଇ ମାସ ତଳେ ମ୍ରୁତ୍ୟୁ ଘଟିଥିବାବେଳେ ବିହାରରେ ରହୁଥିବା ତାଙ୍କ ଜ୍ବାଇଁ ସଞ୍ଜୟ କୁମାର ନିଜ ପରିବାର ସହିତ ଲାଞ୍ଜିଗଡ଼ ଆସିଥିଲେ ! ଶ୍ବଶୁରଙ୍କ ଶୁଦ୍ଧିକ୍ରିୟା ସରିଯିବା ପରେ ବି ସେମାନେ ବିହାର ନଫେରି ଲାଞ୍ଜିଗଡ଼ ନିକଟସ୍ଥ କାଶିବାଡ଼ିରେ ରହୁଥିଲେ ! ଆଜି ସଞ୍ଜୟଙ୍କ ଶାଶୁଙ୍କ ସହିତ ତାଙ୍କ ପୁଅ ବିଶାଲ କୁମାର (୯) ନିକଟସ୍ଥ ପୋଖରୀକୁ ଗାଧୋଇବାକୁ ଯାଇଥିବାବେଳେ ଅସାବଧାନତା ଯୋଗୁଁ ପାଣିରେ ବୁଡ଼ି ଯାଇଥିଲେ ! ପହଁରା ଜାଣିନଥିବା ଯୋଗୁଁ ସେ ପାଣି ପିଇ ବେହୋସ ହୋଇଯାଇଥିବାବେଳେ ଆଇଙ୍କ ଚିତ୍କାର ଶୁଣି ପରିବାର ଲୋକେ ଅଚେତ ଅବସ୍ଥାରେ ବିଶାଲକୁ ଲାଞ୍ଜିଗଡ଼ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ ! ସେଠାରେ ଡାକ୍ତର ତାକୁ ମ୍ରୁତ ଘୋଷଣା କରିଥିଲେ ! ଏ ସଂପର୍କରେ ଖବର ପ୍ରଚାରିତ ହେବା ପରେ ଅଞ୍ଚଳରେ ଶୋକର ଛାୟା ଖେଳି ଯାଇଥିବାବେଳେ କାନ୍ଦବୋବାଳି ମଧ୍ୟରେ ଶବସତ୍କାର କରାଯାଇଛି !
