ଜଣାଣ
ମାନଗୋବିନ୍ଦ ସ୍ବାଇଁ
ସଂସାର ଗଛରେ ଝଡ଼ ବାତ୍ୟା ଆସେ
ସହି ଗଢ଼େ ମୋ ସଂସ୍କୃତି
ସୁଖ ଶାନ୍ତି ପ୍ରଭୁ ପ୍ରଦାନ କରନ୍ତି
ସର୍ବ ହୃଦେ ରହୁ ଭକ୍ତି।
ଘାତ ପ୍ରତିଘାତ ଜୀବନ ସଂଘର୍ଷ
ବଞ୍ଚିବା ଆମକୁ ହବ
ସଂଗ୍ରାମ ଆସିଲେ ଲଢେ଼ଇ କରୁଛୁ
କୁଳ ରକ୍ଷା ମୋ ଗୈାରବ।
ପ୍ରକୃତି ସଂଗ୍ରାମ ଯିବା ନାହିଁ ଡରି
ସଂଘର୍ଷ ମୋ ଦିନରାତି
ଭାଗ୍ୟ ସାହା ଦେବ ପ୍ରଭୁ ଜଗନ୍ନାଥ
ଭକ୍ତି ବାଢେ ବଂଶ ପ୍ରୀତି।
ସଂସାର ଭିତରେ ସ୍ନେହ ପରସ୍ପର
ଲାଗି ଥାଉ ନିରନ୍ତର
ହସ ଖୁସି ଭାବ ସଂପର୍କ ବନ୍ଧନ
ସଦା ଶାହା ମୋ ଈଶ୍ୱର।
ସଂସାର ସାଗର ଜୀବନ ନଉକା
କାତ ମାରି ମାରି ଚାଲ
କୂଳରେ ପହଞ୍ଚି ତପ ଜପ କରି
ଶେଷ କୁହ ହରି ବୋଲ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
