ମହାଲକ୍ଷ୍ମୀ ନାରାୟଣୀ
ସାଗର ଦୁହିତା ଦେବୀ ଲକ୍ଷ୍ମୀ ନାରାୟଣୀ
ଧନଦାତ୍ରୀ କମଳିନୀ ବିଷ୍ଣୁଙ୍କ ଘରଣୀ।।
ବର୍ଷ ମଧ୍ୟେ ଶ୍ରେଷ୍ଠ ମାସ ଅଟେ ମାର୍ଗଶିର
ସେ ମାସର ଗୁରୁବାର ଅତି ପ୍ରିୟ ତୋର।।
ସେଦିନ ଉଷାରୁ ଉଠି କରି ଶୁଚି ମନ
ଘରର ଘରଣୀ ମାନ କରନ୍ତି ପୂଜନ।।
ଦୁବ ଚନ୍ଦନ ସିନ୍ଦୁରଗେଣ୍ଡୁ ପଦ୍ମଫୁଲ
ଜାଳି ଦ୍ୟନ୍ତି ଧୂପଦୀପ ଆଳତୀ କର୍ପୁର।।
ବଢା ହୁଏ ଭୋଗ ପାଇଁ ନାନାଦି ବ୍ୟଞ୍ଜନ
ଫଳମୂଳ ଖିରି ପିଠା ଭାତଯେ ତିଅଣ।।
ନାନା କୁସୁମେ ମଣ୍ଡିତ ଲକ୍ଷ୍ମୀ ମହାମାୟୀ
ଦୁଃଖିଙ୍କର ଦୁଃଖ ନେତ୍ରେ ନ ପାରନ୍ତି ଚାହିଁ।।
ପଡେ ଶୁଭ ଶଙ୍ଖଧ୍ୱନୀ ଶୁଭେ ହୁଳହୁଳି
ଉତ୍ସାହ ଆନନ୍ଦ ଘରେ ପଡଇ ଉଚ୍ଛୁଳି।।
ଘରେ ଘରେ ପୁରେ ପୁରେ ଲକ୍ଷ୍ମୀ ବିରାଜନ୍ତି
ଧନଧାନ୍ୟ ମନସ୍କାମ ପୁରଣ କରନ୍ତି।।
ତୋର କୃପା ବଳେ ମାଗୋ ନର ପାଏ ମୁକ୍ତି
ଯାଚି ଦେଉ କୋଟି ସୁଖ ଐଶ୍ଵର୍ଯ୍ୟ ସମ୍ପତି।।
କୃପାକର କୃପାମୟୀ ସଂସାର ପାଳିନୀ
ପଡିଦାତ୍ରୀ ଅନ୍ନପୂର୍ଣ୍ଣା ଜଗତ ଜନନୀ।।
ପଦ୍ମ ବିଳାସିନୀ ଲକ୍ଷ୍ମୀ ଦୁଃଖ ବିନାଶିନୀ
କରୁଛି ଜଣାଣ ମାଗୋ ଘେନ ମୋ ଦୟିନୀ।।
ମମତା ସାହୁ
ଗାଈଗାଁ, କଳାହାଣ୍ଡି
