ଡାବୁଗାଁ, 28/11(ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ କୋଇଲାରି ପଞ୍ଚାୟତ କାର୍ଯ୍ୟାଳୟ ପରିସରରେ ନବରଙ୍ଗପୁର ଜିଲ୍ଲାର ପାଚିକା ସହାୟକ ସଂଘ ର ଏକ ବୈଠକ ରବିବାର ଅନୁଷ୍ଠିତ ହୋଇଯାଇଛି। ଏହି ବୈଠକରେ ଆସନ୍ତା ୩୦ ତାରିଖ ବୁଧବାର ପାଚିକା ସଂଘ ଭୁବନେଶ୍ୱର ରେ ଏକ ବିରାଟ ରାଲି କରି ସରକାରଙ୍କୁ ଦାବିପତ୍ର ପ୍ରଦାନ କରାଯିବା ନେଇ ଆଲୋଚନା ହୋଇଥିଲା । ଏହି ପାଚିକା ମାନେ ଓଡ଼ିଶା ସରକାରଙ୍କ ଦ୍ଵାରା ପରଚାଳିତ ପ୍ରତି ବିଦ୍ୟାଳୟ ମାନଙ୍କରେ ମଧ୍ୟାହ୍ନ ଭୋଜନ ରନ୍ଧନ କାର୍ଯ୍ୟ ସୁଚାରୁ ରୂପେ ତୁଲାଇ ଆସୁଛନ୍ତି । ପୂର୍ବାହ୍ନ ୧୦ଘଣ୍ଟିକା ଠାରୁ ବିଦ୍ୟାଳୟ କୁ ଆସି ଶହଶହ କୋମଳ ମତି ଛାତ୍ରୀଛାତ୍ର ଙ୍କ ଉତ୍ତମ ଖାଦ୍ୟ ସହ ଉତ୍ତମ ଭବିଷ୍ୟତ ଗଢି ତୋଳିବାରେ କାର୍ଯ୍ୟ କରିଆସୁଛନ୍ତି । ସକାଳ ୧୦ଘଣ୍ଟିକା ଠାରୁ ଅପରାହ୍ନ ୩ଘଣ୍ଟିକା ପର୍ଯ୍ୟନ୍ତ କାର୍ଯ୍ୟ କରିଆସୁଥିଲେ ହେଁ କାର୍ଯ୍ୟ ଅନୁସାରେ ଦରମା କମ ଅନ୍ୟ ସରକାରୀ ବିଭାଗ ପାଚିକା ମାନଙ୍କ ତୁଳନାରେ ଆମେ କମ ମଜୁରୀ ପାଉଅଛୁ । ପାଚିକା ସଂଘର ଅବିଗତ ସଂଗ୍ରାମ ଫଳରେ ବର୍ତମାନ ଆମର ପ୍ରାପ୍ୟ ୧୪୦୦ ଟଙ୍କା ହୋଇଛି । ଯାହାକି ସମୁଦ୍ରକୁ ଶଙ୍ଖେ ପରି ଏହି ସମସ୍ୟା ନେଇ ବୈଠକ ରେ ଆଲୋଚନା ହୋଇଥିଲା । ପାଚିକା ମାନଙ୍କ ଦରମା ୧୦ହଜାର ଟଙ୍କା କୁ ବୃଦ୍ଧି କରାଯିବା ନିମନ୍ତେ ଆସନ୍ତା ୩୦ତାରିଖ ବୁଧବାର ଦିନ ପାଚିକା ସଂଘ ଭୁବନେଶ୍ୱର ଯାଇ ସରକାର ଙ୍କୁ ଦାବିପତ୍ର ପ୍ରଦାନ କରିବେ ବୋଲି ଉକ୍ତ ବୈଠକରେ ଆଲୋଚନା ହୋଇଥିଲା । ଏହି ବୈଠକରେ ଜିଲ୍ଲା ପାଚିକା ସଂଘ ର ସଭାନେତ୍ରୀ ମନକି ଜାନି, ଉପସଭାପତି ଫୁଲ ଜାନି, କୋଷାଧ୍ୟକ୍ଷ ବିଦ୍ୟବତି ବିଶୋଇ, ସମ୍ପାଦକ ଆସମା ବେଗମ ଓ ସଂଘ ର ପ୍ରାୟ ୫୦ରୁ ଉର୍ଦ୍ଦ ପାଚିକା ମାନେ ଉପସ୍ଥିତ ଥିଲେ।
ଡାବୁଗାଁରୁ ପ୍ରଜ୍ଞା ରଞ୍ଜନ ପରିଡାଙ୍କ ରିପୋର୍ଟ
