ପାପଡାହାଣ୍ଡି,4/12, ମନିସ —- ନବରଙ୍ଗପୁର ଠାରୁ ପାପଡାହାଣ୍ଡି ଆସୁଥିବା ଆଶା କର୍ମୀ ମାନଙ୍କୁ ଜୈନିକ ବ୍ୟକ୍ତିଙ୍କ ଦୁର୍ବ୍ୟବହାର ଲାଗି ରବିବାର ବସଷ୍ଟାଣ୍ଡ ଛକରେ ରାସ୍ତା ରୋକ କରିଥିଲେ | ଦୀର୍ଘ ସମୟ ଧରି ଯାନ ବାହାନ ଅଟକିଥିଲା, ପରେ ଆଇଆଇସି ପହଁଚି ବୁଝା ସୁଝା କରିବା ପରେ ରାସ୍ତା ରୋକ ହଟିଥିଲା | ସୂଚନା ମୁତାବକ ପାପଡାହାଣ୍ଡିର ଆଶା କର୍ମୀ ମାନେ ଆଜି ଜିଲାପାଳଙ୍କୁ ଭେଟିବା ଲାଗି ନବରଙ୍ଗପୁର ଯାଇଥିଲେ | 
ଏକ ଘରୋଇ ବସରେ ଫେରିବା ବେଳେ ତାଙ୍କୁ ଉମରକୋଟ ଦୁର୍ଗାଗୁଡା ଅଞ୍ଚଳର ସୁନାଧର ଭତରା ସେମାନଙ୍କୁ ଦୁର୍ବ୍ୟବହାର କରିଥିଲେ | ଏ ନେଇ ଆଶାକର୍ମୀ ମାନେ ଉତକ୍ଷିପ୍ତ ହୋଇ ପାପଡାହାଣ୍ଡି ରେ ବସରୁ ଓଲ୍ହାଇ ବସଷ୍ଟାଣ୍ଡ ଛକରେ ରାସ୍ତା ରୋକ କରିଥିଲେ | ଯଦ୍ୱାରା ପାପଡାହାଣ୍ଡି ରୁ କଳାହାଣ୍ଡି, ଉମରକୋଟ, କୋଷାଗୁମୁଡା ଏବଂ ନବରଙ୍ଗପୁର ଯାତ ୟତ ସମ୍ପୂର୍ଣ ରୂପେ ବନ୍ଦ ହୋଇ ପଡିଥିଲା | ବହୁ ଯାନ ଚାରି ଛକରେ ଅଟକିଥିଲା | ଖବର ପାଇ ପାପଡାହାଣ୍ଡି ଆଇଆଇସି ରାମେଶ୍ୱର ପ୍ରଧାନ ପହଁଚି ଆଶା କର୍ମୀ ମାନଙ୍କୁ ବୁଝା ସୁଝା କରିଥିଲେ | ତାପରେ ରାସ୍ତା ରୋକ ହଟିଥିଲା | ଖବର ପାଇ ବସରୁ ଡାବୁଗାଁ ଠାରେ ଜୈନିକ ବ୍ୟକ୍ତିଙ୍କୁ ଅଟକ ରଖାଯାଇ ପରେ ପାପଡାହାଣ୍ଡି ଅଣାଯାଇଥିଲା | ପରେ ସମସ୍ତଙ୍କ ଉପସ୍ଥିତି ରେ ସମଧାନ ହୋଇଥିଲା | ବ୍ୟକ୍ତି ଜଣକର ମାନସିକ ଅବସ୍ଥା ଠିକ ନ ଥିବା ଜଣାପଡିଛି |
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ
