ମହୋଦଧି ସ୍ନାନ ଓ ଜଗନ୍ନାଥ ଦର୍ଶନ କଲେ ରାବଣ
ମ.ରାମପୁର:୨/୫(ମସୀହା): କଳାହାଣ୍ଡି ଜିଲ୍ଲା ତଥା ଜିଲ୍ଲା ବାହାରେ ନିଜର ଏକ ସ୍ୱତନ୍ତ୍ର ପ୍ରସିଦ୍ଧିଲାଭ କରିଥିବା ମ.ରାମପୁର ପାଇକପଡ଼ାର ଶ୍ରୀରାମ ଜୀଉ ସାଂସ୍କୃତିକ ଅନୁଷ୍ଠାନର ରାମଲୀଳା ଇତ୍ୟବସରରେ ଶେଷ ହେଇଛି । ରାବଣ ରାଜ୍ ଶେଷ ହେବା ପରେ ରାବଣ ବଧ ସହିତ ରାମଚନ୍ଦ୍ରଙ୍କ ରାଜ୍ୟାଭିଷେକ ପର୍ଵ ଅନୁଷ୍ଠିତ ହୋଇଥିଲା l ଗତକାଲି ରାବଣ ପୁରୀ ଯାଇ ମହୋଦଧିରେ ସ୍ନାନ କରିବା ପରେ ପ୍ରଭୁ ଜଗନ୍ନାଥଙ୍କ ଦର୍ଶନ କରି ନିଜ ଭୁଲ ପାଇଁ କ୍ଷମା ପ୍ରାର୍ଥନା କରି ପ୍ରତ୍ୟାବର୍ତ୍ତନ କରିଥିଲେ । ଶ୍ରୀରାମଲୀଳା ନାଟକର ଲେଖକ ତଥା ନିର୍ଦ୍ଦେଶକ ଅଧ୍ୟାପକ ଶୈଳେନ୍ଦ୍ର ପ୍ରସାଦ ଆଚାର୍ଯ୍ୟଙ୍କ ସହିତ ରାବଣ ଭୂମିକାରେ ଅଭିନୟ କରିଥିବା କଳାକାର ସାଇପ୍ରସାଦ ମହାରଣା(ବଡ଼), କଳାକାର ଦିଲୀପ ତ୍ରିପାଠୀ ଏବଂ ସୁନୀଲ ବାରିକ ପୁରୀ ଯାଇ ଥିଲେ l
ମ. ରାମପୁରରୁ ପରାମାନନ୍ଦ ବିଶି ଙ୍କ ରିପୋର୍ଟ୍ l
