ଅବିନାଶୀ ଆତ୍ମା
ଅରୁପରୁ ରୂପ ଅବ୍ୟକ୍ତ ଚେତନା
ତୁମେ ଅବିନାଶୀ ଆତ୍ମା
ଅଚିନ୍ତ୍ୟ ଭାବନା ଅଣାକାର ବ୍ରହ୍ମ
ଓଁକାରୁ ଉତ୍ପନ ସିନା
ସୃଷ୍ଟି ସ୍ଥିତି ଆଉ ପ୍ରଳୟ ବିଲୟ
ସବୁରି ମୂଳରେ ତୁମେ
ଅନାଦିରୁ ଆଦି ବ୍ୟାପ୍ତ ଚରାଚରେ
ଆକାର ସାକାର ବ୍ରହ୍ମେ
ନିର୍ଜୀବ ସଜିବ ତୁମରି ଘଟନ
ପ୍ରକୃତି ପୁରୁଷ ହୋଇ
ବିଶ୍ୱ ଚରାଚର ତୁମରି ଉତ୍ପନ୍ନ
ତୁମେତ ଜଗତ ସାଇଁ
ସକଳ ଆଧାର ନିରାକାର ରୂପେ
ପାଳନ କରତ୍ତା ହୋଇ
ଅବିନାଶୀ ଆତ୍ମା ଅରୂପ ସ୍ୱରୂପେ
ସର୍ବତ୍ର ତୁମେହିଁ ରହି
ପାଳନ କରୁଛ ମହୀ
ବିଳାସିନୀ ପୃଷ୍ଟି
ଭୁବନ, ଢେଙ୍କାନାଳ
