ପ୍ରଭୁ ଗୋବିନ୍ଦଙ୍କୁ ନିତ୍ୟ ଭଜ

ତ୍ରିଲୋଚନ ପାଢୀ

 (ଶିକ୍ଷକ )

ଗୋବିନ୍ଦ ନାମକୁ 

ନିତ୍ୟ ଭଜ ମନ 

ଜପ ଗୋବିନ୍ଦଙ୍କ ନାମ 

ପ୍ରଭୁଙ୍କର ଦିବ୍ୟ 

ନାମ ଜପ କଲେ 

ପୂର୍ଣ୍ଣ ହେବ ମନସ୍କାମ l 

ଗୋବିନ୍ଦଙ୍କ ପଦୁ

ଝରେ ମକରନ୍ଦ 

ସତେ ଅମୃତ ସମାନ 

ସେ ଚାରଣାମୃତ 

ପାନ କଲେ ସଦା 

ଜୀବନ ହୋଇବ ଧନ୍ୟ l 

ମାୟା ସଂସାରରୁ 

ପାରି ହେବା ପାଇଁ 

ଗୋବିନ୍ଦ ଏକା ଭରଷା 

ପ୍ରଭୁଙ୍କ ଚରଣେ 

ଶରଣ ପଶିଲେ 

ପୂର୍ଣ୍ଣ ହୁଏ ମନୋବାଞ୍ଛା l 

ଗୋବିନ୍ଦଙ୍କ ନାମ 

ଭଜନ କୀର୍ତ୍ତନ 

ପ୍ରଭୁଙ୍କର ନାମ ଗାନ 

ପ୍ରଭୁଙ୍କର ଛନ୍ଦl 

ଚରଣରେ ସଦା 

ବନ୍ଧା ଭକ୍ତ ମନପ୍ରାଣ l

ଗୋବିନ୍ଦଙ୍କ ଦିବ୍ୟ 

ନାମ ସଦା ଭଜ 

ଜପ ପ୍ରଭୁଙ୍କର ନାମ 

ଗୋବିନ୍ଦଙ୍କ ପଦେ 

ସମର୍ପିତ ହେଲେ 

ସାର୍ଥକ ହେବ ଜୀବନ ll 

ସମ୍ପାଦକ, ସମ୍ବାଦ ସାହିତ୍ୟ ଘର, ନାଉଗାଁ 

ସା/ପୋ:-ନନ୍ଦିଗ୍ରାମ 

ଭାୟା:ନାଉଗାଁ ହାଟ 

ଜିଲ୍ଲା:-ଜଗତସିଂହପୁର