ନବରଙ୍ଗପୁର—(ମସିହା) ସାରା ପୃଥିବୀରେ ପାଳନ କରାଯାଉଛି ଖ୍ରୀଷ୍ଟମାସ ପର୍ବ ।ଏହି ପର୍ବ ଆଜି ନବରଙ୍ଗପୁର ଜିଲ୍ଲାରେ ତଥା ସହରରେ ମଧ୍ୟ ଧୁମଧାମରେ ପାଳନ କରାଯାଇଛି ।ଖ୍ରୀଷ୍ଟ ଧର୍ମାବଲମ୍ବୀ ମାନେ ଏହି ପର୍ବକୁ ବଡ଼ ଆଡମ୍ବର ସହକାରେ ପାଳନ କରିଥାନ୍ତି । 
ଯୀଶୁଖ୍ରୀଷ୍ଟଙ୍କୁ ନିଜର ତ୍ରାଣକର୍ତ୍ତା ଭାବେ ବିଶ୍ୱାସ କରିଥାନ୍ତି ଖ୍ରୀଷ୍ଟ ଧର୍ମର ଲୋକମାନେ ।ଜିଲ୍ଲାର ଖ୍ରୀଷ୍ଟିଆନ ସମ୍ପ୍ରଦାୟର ଲୋକମାନେ ୨୦୧୯ ମସିହାରୁ କରୋନା କଟକଣା ଯୋଗୁଁ ଯୀଶୁଙ୍କ ଜନ୍ମଦିନ ସାମୁହିକ ଭାବେ ପ୍ରାର୍ଥନା କରି ପାରୁ ନ ଥିଲେ ।ଏବର୍ଷ ସମସ୍ତେ ଚର୍ଚ୍ଚରେ ଏକତ୍ର ହୋଇ ଯୀଶୁଙ୍କ ଠାରେ ପ୍ରାର୍ଥନା କରିବାକୁ ସୁଯୋଗ ପାଇଥିବା ହେତୁ ସମସ୍ତେ ଆନନ୍ଦରେ ଏହି ପର୍ବ ପାଳନ କରିଛନ୍ତି ।ପାଳକ ମାନେ ବାଇଵେଲ ପଠନ କରିବା ସହିତ ଲୋକଙ୍କୁ ଯୀଶୁଙ୍କ ବିଷୟରେ କହିଥାନ୍ତି ।
ଡିସେମ୍ବର ୨୪ ରୁ ୨୫ ପର୍ଯ୍ୟନ୍ତ ଏହି ଖ୍ରୀଷ୍ଟମାସ ପର୍ବ କରାଯାଏ ।ଆଜି ଦିନରେ ସମସ୍ତେ ନୂଆ ଡ୍ରେସ ସହିତ ପିଠା ପଣା ଓ ଯୀଶୁଙ୍କ ଗୀତକୁ ନେଇ ରଙ୍ଗାରଙ୍ଗ କାର୍ଯ୍ୟକ୍ରମ ମଧ୍ୟ କରାଯାଏ ।ଆଜି ଦିନରେ ବହୁତ ଖୁସିରେ ରହିଥିବା ଦେଖିବାକୁ ମିଳିଥିଲା ।ପୃଥିବୀର ଶାନ୍ତି ଓ ଖୁସି ପାଇଁ ଏହି ସମ୍ପ୍ରଦାୟର ଲୋକେ ଯଥାର୍ଥ ଭାବେ ଯୀଶୁଙ୍କ ଠାରେ ସାମୁହିକ ଭାବେ ପ୍ରାର୍ଥନା କରିଥାନ୍ତି ।
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିୟୁଜ୍
