ଏକ ନିଆରା ଉତ୍ସବ ଓ ଖୁସିର ମାହୋଲ ସୃଷ୍ଟି କରେ ବଡଦିନ ! ସବୁ ବର୍ଗର, ସବୁ ଜାତିର ଲୋକମାନେ ଏହି ଉତ୍ସବରେ ସାମିଲ ହୋଇ ପାଳନ କରନ୍ତି ଖ୍ରୀଷ୍ଟମାସ ! ଆମେ ଆପଣ ମାନଙ୍କୁ ନେଇ ଯାଉଛୁ, ଜଗତସିଂହପୁର ଜିଲ୍ଲାର କୁଜଙ୍ଗ ବ୍ଲକ ଅନ୍ତର୍ଗତ ପାଟପୁର ପଞ୍ଚାୟତର ସାହାଡ଼ା ଗ୍ରାମକୁ ଯୋଉଠି ପ୍ରେମ ଆନନ୍ଦରେ ସମସ୍ତେ ଲୁଟୁଛନ୍ତି ବଡଦିନର ମଜା ! ସ୍ଥାନୀୟ ୱାର୍ଡ ସଭ୍ୟ ମନୋଜ ଜେନାଙ୍କ ଉପସ୍ଥିତି, ଏବଂ ନରେଶ ଜେନା, ସୁବାସ ଜେନା, ଲିପୁନ ଜେନାଙ୍କ ସହଯୋଗରେ ଆୟୋଜିତ ଉତ୍ସବ ରେ ଛୋଟଛୋଟ ପିଲାଙ୍କ ନୃତ୍ୟ ଅତି ଚିତାକର୍ଷକ ହୋଇଥିଲା ! ବଡଦିନର ତାତ୍ପର୍ଯ୍ୟ ବିଷୟରେ ଆଚାର୍ଯ୍ୟ ଗାବ୍ରିଏଲ ସେଠୀ ଉପସ୍ଥିତ ବ୍ୟକ୍ତି ମାନଙ୍କ ପାଖରେ ମତ ରଖିଥିଲେ !
ଦିଗହରା ମାନବ ସମାଜକୁ ସଠିକ ମାର୍ଗରେ ଯିବାକୁ, ଏବଂ ଈଶ୍ୱର ଭୟ ନଥିବାରୁ ମଣିଷ କିପରି ବିନଷ୍ଟ ପଥକୁ ଚାଲିଯାଉଛି ତାର ଉପସ୍ଥାପନା କରାଯାଇଥିଲା ! ସାମ୍ପ୍ରତିକ ସମାଜରେ ହିଂସା, ଯୁଦ୍ଧ, ଗଣଦୁଷ୍କର୍ମ ଭଳି ସାମାଜିକ ଅପରାଧ ଗୁଡିକ ବ୍ୟାପି ଚାଲିଥିବା ବେଳେ ପ୍ରଭୁ ଯୀଶୁଙ୍କ ପଡୋଶୀଙ୍କୁ ପ୍ରେମକର ବାଣୀ ଦିଗଦର୍ଶନ ଦେବ ବୋଲି ମତବ୍ୟକ୍ତ କରାଯାଇ ଉପସ୍ଥିତ ବ୍ୟକ୍ତିଙ୍କୁ ଭାଇଚାରା ସୃଷ୍ଟି କରିବାକୁ ଉତ୍ସାହିତ କରାଯାଇଥିଲା ! ଅନ୍ୟମାନଙ୍କ ମଧ୍ୟରେ ପାଳକ ଗିରିଧାରୀ ସାମଲ, ସଲମାନ ସାମଲ, ସତ୍ୟପ୍ରକାଶ ଜେନା, ବାବୁଲ ଜେନା, ଡମ୍ବରୁଧର ଜେନା, ପ୍ରିୟଙ୍କା ପ୍ରିୟଦର୍ଶିନୀ, ଗୁଡୁଲୀ, ବର୍ଷା, ଶ୍ରାବଣୀ, ପୂଜା, ମଣ୍ଟୁ, ସାଗର, କୁନାଲ, ମାମୁନି, ଦୀକ୍ଷା, ଝୁନୀଲତା, ନିରୁପମା, ପ୍ରିୟଙ୍କା ସୋନି, ରୁନୁ ଓ ସନ୍ଧ୍ୟା ବିଭିନ୍ନ ସାଂକୃତିକ କାର୍ଯ୍ୟକ୍ରମରେ ଉତ୍ସବକୁ ସରସ ସୁନ୍ଦର କରିବାରେ ସାହାଯ୍ୟ କରିଥିଲେ !