ଜଗତସିଂହପୁର ଜିଲ୍ଲାର ତିର୍ତ୍ତୋଲ ବ୍ଲକ ଅଧୀନ ସାମନ୍ତରାପୁର ପଞ୍ଚାୟତ ତଥା ଗ୍ରାମର ସ୍ବର୍ଗତ ଶତ୍ରୁଘନ ସେଠୀଙ୍କ 17 ତମ ଶ୍ରାଦ୍ଧ ବାର୍ଷିକୀ ଉପଲକ୍ଷେ ଅଗ୍ରଣୀ ସାମାଜିକ ଅନୁଷ୍ଠାନ ସାବିତ୍ରୀ ରିଜିଓନାଲ ୱେଲଫେୟାର ଆସୋସିଏସନ, ଜଗତସିଂହପୁର ଦ୍ୱାରା ସମ୍ବିଧାନ ଆଲୋଚନା ସଭା ଓ ବନ୍ଧୁ ମିଳନ ଉତ୍ସବ ପାଳିତ ହୋଇଯାଇଛି ! ଉକ୍ତ ସଭାରେ ମୁଖ୍ୟ ଅତିଥିଭାବେ ଯୋଗ ଦେଇଥିଲେ ଅଶୋକ କୁମାର ସେଠୀ କେନ୍ଦ୍ରାପଡ଼ା, ମୁଖ୍ୟ ବକ୍ତା ଥିଲେ ବିଶ୍ୱ ରଞ୍ଜନ ପଟ୍ଟନାୟକ ଅବସରପ୍ରାପ୍ତ ପ୍ରଧାନ ଶିକ୍ଷକ , ସମ୍ମାନିତ ଅତିଥିଭାବେ ଥିଲେ ସାମ୍ବାଦିକ ସୁରକ୍ଷା ସମିତିର ସଭାପତି ଶରତ କୁମାର ଦାଶ, ସେକ ନସିର ଉଦ୍ଦିନ ସମାଜସେବୀ ରଘୁନାଥପୁର ! ଏହି ସଭାର ସଭାପତି ଥିଲେ ଶରତ କୁମାର ଦାଶ , ସାବିତ୍ରୀ ରିଜିଓନାଲ ୱେଲଫେୟାର ଆସୋସିଏସନର ଉପଦେଷ୍ଟା ପ୍ରଭାତ କୁମାର ସେଠୀ ଅତିଥିମାନଙ୍କୁ ସ୍ୱାଗତ କରିଥିବା ବେଳେ ଉପସଭାପତି ରବୀନ୍ଦ୍ର ନାଥ ସେଠୀ ଓ ସାମ୍ବାଦିକ ରଞ୍ଜନ କୁମାର ମଲ୍ଲିକ ଉପଢୌକନ ଏବଂ ପୁଷ୍ପଗୁଛ ଦେଇ ଅତିଥିମାନଙ୍କୁ ସମ୍ମାନିତ କରି ଥିଲେ ! ବାବା ସାହେବ ଭୀମ ରାଓ ଆମ୍ବେଦକର, ଭଗବାନ ବୁଦ୍ଧ ଏବଂ ସ୍ବର୍ଗତ ଶତ୍ରୁଘନ ଙ୍କ ନିକଟରେ ପୁଷ୍ପାଞ୍ଜଳି ଦେଇ ସଭାକାର୍ଯ୍ୟ ଆରମ୍ଭ ହୋଇଥିଲା ! ଆସୋସିଏସନର ସ୍ଥାୟୀ ସଭାପତି ଭାଗବତ ପ୍ରସାଦ ସ୍ୱାଗତ ଭାଷଣ ଦେଇଥିଲେ ! ପାଖ ଅଞ୍ଚଳର ଅନେକ ବଦାନ୍ୟ ବ୍ୟକ୍ତି ଏବଂ ବୁଦ୍ଧିଜୀବୀ ମାନେ କାର୍ଯ୍ୟକ୍ରମ ରେ ଯୋଗଦେଇଥିଲେ ! ଗ୍ରାମ ପଞ୍ଚାୟତ ଗୁଡିକରେ ସମ୍ବିଧାନ ବିଷୟରେ ଏପରି ଶିକ୍ଷାର ଆୟୋଜନ ଅତି ପ୍ରଶଂସନୀୟ ବୋଲି ମତ ପ୍ରକାଶ କରା ଯାଇଥିଲା !
next post