ପାପଡାହାଣ୍ଡି,11/01, ମନିସ —ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ତୁମ୍ବଲ୍ଲା ପଞ୍ଚାୟତ ହିର୍ଲି ଗ୍ରାମରେ ମହୁମାଛି ଆକ୍ରମଣରେ ବୁଧବାର ଜଣେ ପକ୍ଷାଘାତ ରୋଗୀ ଗୁରୁତର ହୋଇଛନ୍ତି | ତାଙ୍କ ନାମ କେଶବ ମାଝୀ | ସୂଚନା ଅନୁଯାୟୀ ଶୌଚ ପାଇଁ ଘର ପଛକାନି ଖୋଳା ଜାଗା କୁ ଯାଇ ଥିଲେ | ଏହି ସମୟରେ ଅତର୍କିତ ଭାବେ ମହୁମାଛି ଆକ୍ରମଣ କରିଥିଲେ | କେଶବ ଙ୍କ ଏକ ଗୋଡ଼ ଓ ହାତ ପକ୍ଷାଘାତ ରୋଗ ଯୋଗୁଁ କାମ ଦେଉନାହିଁ | ଯାହାଫଳରେ ସେ ଠିକରେ ଚାଲି ମଧ୍ୟ ପାରୁନାହାନ୍ତି | 
କେଶବ ଙ୍କୁ ମହୁମାଛି ଆକ୍ରମଣ ହେବା ଦେଖି ଗ୍ରାମବାସୀ ତାଙ୍କୁ ଉଦ୍ଧାର କରିଥିଲେ | ଏହାପରେ ଘର ଲୋକଙ୍କୁ ଖବର ଦେବା ପରେ ଏକ ଅଟୋ ସାହାଯ୍ୟରେ ପାପଡାହାଣ୍ଡି ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର ଆଣି ଭର୍ତ୍ତି କରିଥିଲେ | ପ୍ରାଥମିକ ଚିକିତ୍ସା ପରେ କେଶବଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡ଼ିବାରୁ ତାଙ୍କୁ ନବରଙ୍ଗପୁର ଜିଲ୍ଲା ମୂଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି |
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ
