ଅଗ୍ନିରେ ଦଗ୍ଧ ହୋଇଗଲା ଗୁହାଳ ସହ ବାଛୁରୀ, ଦୁଇଟି ଗାଈ ଅର୍ଦ୍ଧଦଗ୍ଧ

କଥାରେ ଅଛି ଘୋଡା ଚଢ଼ା ଠାରୁ ସମ୍ପତ୍ତି ନାହିଁ କି ଘର ପୋଡିଠାରୁ ବିପତ୍ତି ନାହିଁ ! ହଁ ଆଜ୍ଞା ଆମେ ଆପଣଙ୍କୁ ଦେଖାଉଛୁ ଘର ପୋଡିର ସେଇ ଲୋମ ଟାଙ୍କୁରା ଦୃଶ୍ୟ, ଯୋଉଠି ଆପଣମାନେ ଦେଖି ପାରିବେ ଗୁହାଳ ସହିତ ଗୋଟିଏ ଦୁଇ ବର୍ଷର ବାଛୁରୀ ଟି ହେଇ ମରିଯାଇଛି ! ଆଉ ଗୋଟିଏ ଦୁହାଁଳିଆ ଗାଈ ଓ ଗର୍ଭବତୀ ଗାଈ ଅର୍ଦ୍ଧ ଦଗ୍ଧ ହୋଇ ଯନ୍ତ୍ରଣା ଭୋଗୁଛନ୍ତି ! ପାଟି ଫିଟୁନାହିଁ ବୋଲି କହି ପାରୁ ନାହାନ୍ତି ସିନା ବିକଳ ଚିତ୍କାର ଜଣେଇ ଦେଉଛି, କେତେ କଷ୍ଟରେ ଅଛନ୍ତି ସେମାନେ ! ଘଟଣାକ୍ରମେ ଜଗତସିଂହପୁର ଜିଲ୍ଲାର କୁଜଙ୍ଗ ବ୍ଲକ ଅନ୍ତର୍ଗତ କାଠକୋଟ ପଞ୍ଚାୟତର ବାରମଣା ଗ୍ରାମର ସୂର୍ଯ୍ୟମଣୀ ଦାସଙ୍କ ଭାଗ୍ୟ ଉପରେ ପଡିଛି ଚଡକ ! ରାତି ପ୍ରାୟ ଗୋଟାଏ ପରେ ଆନୁମାନିକ ସର୍ଟସର୍କିଟ ଯୋଗୁ ଗୁହାଳରେ ନିଆଁଲାଗି ଗୁହାଳଟି ସମ୍ପୂର୍ଣ୍ଣ ଜାଳି ଯାଇଛି ! ତାସହିତ ଜଳିଯାଇଛି ଗୋଟିଏ ବାଛୁରୀ, ଅଧାଜଳା ହୋଇଯାଇଛି ଦୁଇଟି ଗାଈ ! ଏବର୍ଷ ବନ୍ୟା ନେଇଗଲା ଚାଷ, ଅଗ୍ନି ନେଇଗଲା ଗୁହାଳ ବାସ, ମର୍ମାହତ ସୂର୍ଯ୍ୟମଣୀ ର ଭାଗ୍ୟ ଆକାଶରେ ରୋଜଗାରର ସୂର୍ଯ୍ୟକୁ ଗ୍ରାସକଲା ବିପତ୍ତି ! କେମିତି ଭରଣା ହେବ ଏହି ଅଧାଗଢା ସ୍ବପ୍ନ ? କିଏ କରିବ ସାହାଯ୍ୟ ? କାହାକୁ କହିବେ ଶୁଣିବ କିଏ ? ସବୁତ ଏଠି ସ୍ୱାର୍ଥର ସାରଥୀ , ଆମ ଚାନେଲ ମାଧ୍ୟମରେ ସରକାରଙ୍କୁ ଦୁଃଖ ଜଣାନ୍ତି ସୂର୍ଯ୍ୟମଣୀ , ଅଧାପୋଡ଼ା ଗାଈଙ୍କ ଚିକିତ୍ସା, ଓ ମୋ ଗୁହାଳ ର ସରକାରୀ ଯୋଜନାରେ ସାମିଲ କରାଇଲେ, ଦୁଃଖ ଦୂର ହୁଅନ୍ତା ବୋଲି ନିବେଦନ କରି କୁହନ୍ତି ! ସତରେ କଣ ସରକାରୀ ସାହାଯ୍ୟରେ ଗାଈଙ୍କ ଚିକିତ୍ସା ମିଳିପାରିବ ? ମୋ ଗୁହାଳ ଟେ ମିଳିବ ?? ଦେଖିବାକୁ ରହିଲା ସରକାରୀ ବାବୁଙ୍କ ପରିବା ପଣିଆ ର ଦମ୍ !