ଡାବୁଗାଁ, ୬/୧ – (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମାସ୍ଥିତ ମିନି ଷ୍ଟାଡିୟମ ଠାରେ ପୁରୁଷ ହକି ବିଶ୍ଵ ଉପଲକ୍ଷେ ବ୍ଲକ ସ୍ତରୀୟ ଫୁଟବଲ ପ୍ରତିଯୋଗୀତା ଶୁକ୍ରବାର ଉଦଘାଟିତ ହୋଇଯାଇଛି | ଏଥିରେ ମୁଖ୍ୟ ଅତିଥି ଭାବ ବ୍ଲକ ଅଧ୍ୟକ୍ଷା ବୀଣା ମାଝି ଯୋଗ ଦେଇ ପ୍ରତିଯୋଗୀତାକୁ ଉଦଘାଟନ କରିଥିଲେ | ପ୍ରତିଯୋଗୀତା ର ପ୍ରଥମ ଦିନରେ ଚଚରାଗୁଡା, ବୋରିଗାଁ, ଜୁନାପାଣି, ମେଦନା, କୋଇଲାରୀ, ଡାବୁଗାଁ, ଡ଼ଙ୍ଗରିଗୁଡା ଓ ଜବାଗୁଡା ଦଳ ମଧ୍ୟରେ ଅନୁଷ୍ଠିତ ହୋଇଥିଲା | ଉଦଘାଟନୀ ମ୍ୟାଚ ଟି ଚଚରାଗୁଡା – ବୋରିଗାଁ ଦଳ ମଧ୍ୟରେ ଅନୁଷ୍ଠିତ ହୋଇଥିଲା | ଏଥିରେ ଚଚରାଗୁଡା ୩-୦ ଗୋଲରେ ବିଜୟୀ ହୋଇଥିଲା | 
୨ୟ ମ୍ୟାଚଟି ଜୁନାପାଣି – ମେଦନା ଦଳ ମଧ୍ୟରେ ଅନୁଷ୍ଠିତ ହୋଇଥିଲା | ଏଥିରେ ମେଦନା ୧-୦ ଗୋଲରେ ବିଜୟୀ ହୋଇଥିଲା | ୩ ୟ ମ୍ୟାଚଟି କୋଇଲାରୀ – ଡାବୁଗାଁ ଦଳ ମଧ୍ୟରେ ଅନୁଷ୍ଠିତ ହୋଇଥିଲା | ଏଥିରେ କୋଇଲାରୀ ୧-୦ ଗୋଲରେ ବିଜୟୀ ହୋଇଥିଲା | ଚତୁର୍ଥ ମ୍ୟାଚଟି ଡ଼ଙ୍ଗରିଗୁଡା – ଜବାଗୁଡା ଦଳ ମଧ୍ୟରେ ଅନୁଷ୍ଠିତ ହୋଇଥିଲା | ଏଥିରେ ଡ଼ଙ୍ଗରିଗୁଡା ୧-୦ ଗୋଲରେ ବିଜୟୀ ହୋଇଥିଲା | ଏଥିରେ ବ୍ଲକ ଉପାଧ୍ୟକ୍ଷ ସଦାନନ୍ଦ ନାୟକ, ସାଂସଦ ପ୍ରତିନିଧି ଏମ୍. ଆପ୍ପା ରାଓ, ବିଧାୟକ ପ୍ରତିନିଧି ଏମ୍. ବୁଲୁ ରାଓ, ବିଡିଓ ଶରତ ମାଝି, ଏବିଡିଓ ପଦ୍ମନାଭ ତ୍ରିପାଠୀ, ଗ୍ରାମ ପଞ୍ଚାୟତ ସଂମ୍ପ୍ରସାରଣ ଅଧିକାରୀ ଏ.ଡି. ପ୍ରସାଦ ପ୍ରମୁଖ ଉପସ୍ଥିତ ଥିଲେ | ଏଥିରେ କ୍ରିଡା ଶିକ୍ଷକ ହେମନ୍ତ କୁମାର ସାମଲ, ଉମାକାନ୍ତ ବିଶ୍ଵାଳ ଓ ରଞ୍ଜନ କୁମାର ପରିଡା ପ୍ରମୁଖ ଖେଳ ପରିଚାଳନା କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
