ସକାଳର ଜଣାଣ
ସର୍ବ ବ୍ୟାପି ତୁମେ
ବିଜୟ କୁମାର ଜେନା
ତୁମକୁ ଦେଖୁଛି ନିତି ମହାବାହୁ
ଆକାଶର ନିଳୀମାରେ
ସକାଳ ସୁରୁଜ ମୁରୁଜରେ ତୁମେ
ମନ୍ଦ ମନ୍ଦ ମଳୟ ରେ।
ତୁମକୁ ଦେଖୁଛି ପୂର୍ଣ୍ଣମୀ ଜହ୍ନରେ
ମିଟି ମିଟି ତାରା ମେଳେ
ଶିଶୁର କୁଆଁରେ ଅନ୍ତୁଡ଼ି ଶାଳରେ
ଜନନୀ ଅମ୍ବୃତ କୋଳେ।
ଶରତ ଋତୁର ନିର୍ମଳ ରେ ତୁମେ
କୋଇଲିର କୁହୁ ତାନେ
କଦମ୍ବ ଫୁଲର ବାସନାରେ ତୁମେ
ଭ୍ରମର ର ଗୂଣୁ ଗାନେ।
ତୁମେ ବିଦ୍ୟମାନ ତୁମେ ଶକ୍ତିବାନ
ଭୂମି ଠାରୁ ଭୂମା ଯାଏ
ଏତେ ବଡ଼ ପ୍ରଭୁ ସୃଷ୍ଟି ଙ୍କ ପାଖରେ
ମଥା ମୋର ନଇଁ ଯାଏ।
ସବୁଠାରେ ଅଛି ତୁମରି ପରଶ
ତୁମ ଆଶିଷ ର ଧାରା
ତୁମକୁ ଛାଡିକି କେ ରହି ପାରିବ
ଜୀବନ ଲାଗେ ନିଆରା।
ଅବସର ପ୍ରାପ୍ତ ପ୍ରାଧ୍ୟାପକ
ଶାମୁକା ସାହି ରଣପୁର ନୟାଗଡ଼
