ଡାବୁଗାଁ, ୨୮/୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମା ସ୍ଥିତ ଭୈରବ ଉଚ୍ଚ ମାଧ୍ୟମିକ ବିଦ୍ୟାଳୟରେ ଶିକ୍ଷକ ଓ ଅଭିଭାବକ ସମ୍ମିଳନୀ ବିଧ୍ୟଳୟ ଅଧ୍ୟକ୍ଷ ଶଶାଙ୍କ ଶେଖର ତ୍ରିପାଠୀଙ୍କ ସଭାପତିତ୍ଵରେ ଶନିବାର ଅନୁଷ୍ଠିତ ହୋଇଯାଇଛି | ଏଥିରେ ଛାତ୍ରୀ ଛାତ୍ର ଙ୍କ ବୃତ୍ତିଗତ, ଭବିଷ୍ୟତ କର୍ମ ପନ୍ଥା ଚୟନ, ଶୈକ୍ଷିକ ଓ ସହ ପାଠ୍ୟକ୍ରମ କାର୍ଯ୍ୟ|ବଳୀର ଆୟୋଜନ, ଛାତ୍ରୀଛାତ୍ରଙ୍କ ଉପସ୍ଥାନ ସଂଖ୍ୟାର ଅଭିବୃଦ୍ଧି ସହ ସମସ୍ତ କାର୍ଯ୍ୟକ୍ରମରେ ଛାତ୍ରୀଛାତ୍ରଙ୍କର ସକ୍ରିୟ ଅଂଶଗ୍ରହଣ, ଛାତ୍ର ବୃତ୍ତିସମ୍ପର୍କରେ ସଚେତନତା, ମୋ ସ୍କୁଲ ଅଭିଯାନରେ ପୁରାତନ ଛାତ୍ରୀଛାତ୍ର ଙ୍କୁ ନେଇ ଅନୁଷ୍ଠାନର ବିକାଶ ନିମନ୍ତେ ଅଂଶଗ୍ରହଣ, 
ଶିକ୍ଷାନୁଷ୍ଠାନକୁ ରାଗିଙ୍ଗ ମୁକ୍ତକରିବା ଓ ତତସମ୍ବନ୍ଧରେ ସଚେତନତା ସୃଷ୍ଟି କରିବା ଏବଂ ପରିଶେଷରେ ଛାତ୍ରୀଛାତ୍ର ମାନଙ୍କର ସର୍ବାଙ୍ଗୀନ ବିକାଶ ସହ ଗୁଣାତ୍ମକ ସୁଇକ୍ଷର ବିକାଶ ଓ ଅନୁଷ୍ଠାନର ସାମଗ୍ରିକ ବିକାଶ ଉପରେ ଅଭିଭାବକ ମାନେ ସେମାନଙ୍କର ସୁଚିନ୍ତିତ ମତ ପ୍ରତିପାଦନ କରିଥିଲେ | ଏଥିରେ ମୁଖ୍ୟ ଅତିଥି ଭାବେ ବ୍ଲକ ଶିକ୍ଷା ଅଧିକାରୀ ଶିବଶଙ୍କର ମଣ୍ଡଳ, +୩ ବିଭାଗର ଅଧ୍ୟକ୍ଷ ଶଙ୍କର ପ୍ରସାଦ ଗନ୍ତାୟତ, ସିଆରସିସି ପ୍ରସନ୍ନ କୁମାର ଦଣ୍ଡସେନା, ବରିଷ୍ଠ ପ୍ରାଧ୍ୟାପକ ସନ୍ତୋଷ ପଟ୍ଟନାୟକ, ଅଧ୍ୟାପକ ଶିବ ପ୍ରସାଦ ସାହୁ, ନବୀନ କୁମାର ନାଗେଶ, ତତ୍ତ୍ଵମସୀ ରଥ, ପଦମ ଭତ୍ରା ଏବଂ ଅନ୍ୟ କର୍ମଚାରୀ ଓ ଛାତ୍ରୀଛାତ୍ର ମାନେ ଉପସ୍ଥିତ ଥିଲେ | ଶେଷରେ ଶିକ୍ଷା ବିଭାଗ ଅଧ୍ୟାପକ ରମେଶ ଚନ୍ଦ୍ର ନାହକ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
