ତିର୍ତ୍ତୋଲ : – 01/02/23 – ଜଗତସିଂହପୁର ଜିଲ୍ଲା ତିର୍ତୋଲ ବ୍ଲକ ପରିସରରେ ଗତ ମଙ୍ଗଳବାର ଠାରୁ ଆସନ୍ତା ଫେବୃଆରୀ ଦୁଇତାରିଖ ପର୍ଯ୍ୟନ୍ତ ଶ୍ରୀଶ୍ରୀ ବଜରଙ୍ଗବାଲି ହନୁମାନଜୀଉ ଙ୍କ ବିଗ୍ରହ ସ୍ଥାପନ ଓ ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମ ଚାଲୁ ରହିଥିବାବେଳେ ଆଜି ଦ୍ଵିତୀୟ ଦିବସରେ ପହଞ୍ଚିଛି ! 
ଆଜିର କାର୍ଯ୍ୟକ୍ରମ ରେ ମୁଖ୍ୟ ଆକର୍ଷଣ ଥିଲେ କୁଜଙ୍ଗ ବ୍ଲକ ଅଧୀନ ଢ଼ିଙ୍କିଆ ନୂଆଗାଁ ହନୁମାନ ବାଟିକାର ବାବା ଶ୍ରୀ ଶ୍ରୀ ରାଜୀବ ଲୋଚନ ଦାସ (ରାଜୁ ବାବା) ! ଅତୀବ ସରଳ ସାବଲୀଳ ଭାଷାରେ ବାବାଙ୍କର ଆଧ୍ୟାତ୍ମିକ ପ୍ରବଚନକୁ ମନ୍ତ୍ରମୁଗ୍ଧ ଭଳି ଶ୍ରବଣ କରୁଥିଲେ ଉପସ୍ଥିତ ଭକ୍ତବୃନ୍ଦ ! 
ବ୍ଲକ ଉନ୍ନୟନ ଅଧିକାରୀ ଅଟଳବିହାରୀ ସ୍ୱାଇଁ, ବ୍ଲକ ଅଧ୍ୟକ୍ଷ ମନୋଜ କୁମାର ବେହେରା ଓ ବ୍ଲକର ସମସ୍ତ ପଦାଧିକାରୀ ଙ୍କ ଉପସ୍ଥିତିରେ ହନୁମାନଜୀ ଙ୍କ ଚାଳିଶା ପ୍ରବଚନ ଆଦି ଅନୁଷ୍ଠିତ ହୋଇ ଥିଲା ! 
ପଣ୍ଡିତ ଚିତ୍ତରଞ୍ଜନ ରଥଙ୍କ ପୌରାହିତ୍ୟ ରେ ଯଜ୍ଞକାର୍ଯ୍ୟ ଚାଲୁ ରହିଥିବା ବେଳେ ଏହା ଆସନ୍ତାକାଲି ପୂର୍ଣ୍ଣାହୁତି ସହ ସମାପନ କରାଯିବାର ଅଛି ବୋଲି ଜାଣିବାକୁ ମିଳିଥିଲା !
ତିର୍ତ୍ତୋଲରୁ ଭାଗବତ ପ୍ରସାଦଙ୍କ ରିପୋର୍ଟ ମସୀହା ନ୍ୟୁଜ ଓଡିଶା !
