ରୁପ୍ରା, ୪/୨ (ମନିସ) : କଳାହାଣ୍ଡି ଜିଲ୍ଲା ଉତ୍ତର ବନଖଣ୍ଡ କେସିଙ୍ଗା ବନାଞ୍ଚଳ ଅଧିନ ପଲମ ଓ ହାତିଖୋଜ୍ ଠାରେ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ତରଫରୁ ଜଙ୍ଗଲକୁ ନିଆଁ ଦାଉରୁ କିପରି ରକ୍ଷା କରିବା ସେବାବଦରେ ଏକ ସଚେତନ ସଭାର ଆୟୋଜନ ଆଜି ଅନୁଷ୍ଠିତ ହୋଇଥିଲା ।
ଉକ୍ତ ସଭାରେ ବନ ସୁରକ୍ଷା ସମିତି ସଭାପତି ଦେବାବର ସାହୁ, ବନ ବିଭାଗ କଶୃପଡ଼ା ସେକ୍ସନର କର୍ମଚାରୀ ରୁକ୍ମିଣୀ ମାଝି ଓ ସସ୍ମିତା ନାଏକ ତଥା P-NGO କର୍ମକର୍ତ୍ତା ଉପସ୍ଥିତ ରହି ଲୋକଙ୍କୁ ସଚେତନ କରାଇବା ସହ ଜଙ୍ଗଲ ଜମି କୁ ନିଆଁ ଦାଉରୁ ମୁକ୍ତ କରିବା ପାଇଁ ଶପଥ ପାଠ ହୋଇଥିଲା । 
ବନ ବିଭାଗର ଏହି ମହତ କାର୍ଯ୍ୟକ୍ରମକୁ ଉପସ୍ଥିତ ଥିବା ସମସ୍ତେ ପ୍ରଶଂସା କରିବା ସହିତ ଆଗାମୀ ଦିନରେ ବନ ବିଭାଗକୁ ସହଯୋଗ କରିବା ପାଇଁ ସଂକଳ୍ପ ନେଇଥିଲେ । ସୂଚନାଯୋଗ୍ୟ ଗ୍ରୀଷ୍ମ ଋତୁରେ ଜଙ୍ଗଲରେ ନିଆଁ ଲାଗି ହଜାର ହଜାର ବୃକ୍ଷଲତା ଓ ଜଙ୍ଗଲୀ ପଶୁପକ୍ଷୀ ମୃତ୍ୟୁ ମୁଖରେ ପଡନ୍ତି। ଏଥିପାଇଁ ଏବେଠାରୁ ସଚେତନ ସଭା ଅନୁଷ୍ଠିତ କରାଯାଉଛି ।
ରୁପ୍ରା ରୁ ପ୍ରଦୀପ ସେନାପତି ଙ୍କ ରିପୋର୍ଟ
