ଜୟପାଟଣା:୦୫/୦୨ // କପୁରମାଲ ପ୍ରିମୀୟର ଲିଗ କ୍ରିକେଟ ତୁର୍ଣ୍ଣାମେଣ୍ଟ ଜୟପାଟଣା ବ୍ଲକର ସର୍ବୋତ୍ତମ ଲିଗ । ଏହି ଟୁର୍ଣ୍ଣାମେଣ୍ଟ ୨୦୧୦ ମସିହାରୁ ଆୟୋଜକ ହୋଇଆସୁଛି । ଚଳିତବର୍ଷ ରାୟଗଡା, ନବରଙ୍ଗପୁର ଏବଂ କଳାହାଣ୍ଡି ଜିଲ୍ଲାର ୧୬ଟି ବଛା ବଛା ଟିମ ଯୋଗ ଦେଇଥିଲେ । 
ସେମି ଫାଇନାଲରେ କପୁରମାଲ, ବଡ଼ ପୁଝାରିଗୁଡା ,ମୁଖୀଗୁଡା ଏବଂ ନବରଙ୍ଗପୁର ଉନ୍ନୀତ ହୋଇଥିଲେ । ଫାଇନାଲ ଖେଳ ବଡ ପୁଝାରିଗୁଡା ଏବଂ ମୁଖୀଗୁଡା ମଧ୍ୟରେ ଅନୁଷ୍ଠିତ ହୋଇଥିଲା । ବଡ ପୁଝାରିଗୁଡା ଟଚ ଜିଣି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୦ ଓଭରେ ୬ ଉଇକେଟ ବିନିମୟରେ ୧୨୨ ବିଶାଳ ସ୍କୋର ସଂଗ୍ରହ କରିଥିଲେ । 
ବଡ଼ ସ୍କୋରର ଚାପକୁ ପିଛା କରି ମୁଖୀଗୁଡା ନିର୍ଦ୍ଧାରିତ ଓଭରରେ ୮ଉଇକେଟ ବିନିମୟରେ ୯୮ ରନରେ କରିବାକୁ ସମର୍ଥ ହୋଇଥିଲେ । ମ୍ୟାଚର ମେନ ଅଫ ଦ ମ୍ୟାଚ ଡମ୍ବରୁ ଏବଂ ମେନ ଅଫ ସିରିଜ ବ୍ରଜଙ୍କୁ ଦିଆଯାଇଛି ।
ଏହି ଫାଇନାଲ ଖେଳରେ ପୂର୍ବତନ ମନ୍ତ୍ରୀ ବିଜେପିର ବରିଷ୍ଠ ନେତା ହିମାଂଶୁ ଶେଖର ମେହେର ମୁଖ୍ୟ ଅତିଥି ଭାବେ ଯୋଗ ଦେଇ ବିଜୟୀ ଟିମକୁ ଟ୍ରଫି ଏବଂ ନଗଦ ରାଶି ପ୍ରଦାନ କରିଥିଲେ । ଅନ୍ୟତମ ଅତିଥି ସ୍ଥାନୀୟ ସରପଞ୍ଚ ପ୍ରତିନିଧି ମାର୍କଣ୍ଡ ପଣ୍ଡା ରନର୍ସ ଅଫ ଟିମକୁ ଟ୍ରଫି ଓ ନଗଦ ରାଶି ପ୍ରଦାନ କରିଥିଲେ । 
ସମ୍ମାନୀୟ ଅତିଥି ଭାବେ ଲାଞ୍ଜିଗଡ଼ ବିଧାୟକ ପ୍ରଦୀପ ଦିଶାରୀ,ଶେଷଦେବ ବେହେରା, ବିଜୟ ଦିଶାରୀ,ଜଗମୋହନ ପଟ୍ଟନାୟକ, ଉଆଁସୁ ବିଶ୍ୱାଳ,ରୁଦ୍ର ପ୍ରଧାନୀ ,ବିଭୁତି ପାଣିଗ୍ରାହୀ ପ୍ରମୁଖ ଯୋଗଦେଇଥିଲେ ।
ତୁର୍ଣ୍ଣାମେଣ୍ଟର ବିଜୟୀ ଟିମକୁ ୩୦ହଜାର ଏବଂ ଉପବିଜେତା ଟିମକୁ ୨୦ହଜାର ନଗଦ ରାଶି ପ୍ରଦାନ କରା ଯାଇଥିଲା । ଏହି ଖେଳର ସଫଳ ରୂପାୟନରେ ଆୟୋଜନ କମିଟିର ସଭାପତି ମାଧବ ବାଗ,ଉପ ସଭାପତି ମଣ୍ଟୁ ନାଏକ,କୋଷାଧ୍ୟକ୍ଷ ନବୀନ ବାଗ,ତଥା କପୁରମାଲ କ୍ରିକେଟ କ୍ଲବର ସମସ୍ତ ସଦସ୍ୟଙ୍କର ଭୂମିକା ପ୍ରଶଂସନୀୟ ଥିଲା ।
ଜଗମୋହନ ପଟ୍ଟନାୟକ (ବରିଷ୍ଠ ସାମ୍ବାଦିକ)
