ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ଭୁଲିଆମୁଡା ସାପ୍ତାହିକ ବଜାର ପ୍ରାଗଂଣରେ ଅନୁଷ୍ଠିତ ମଣ୍ଡେଇ ଉତ୍ସବ ରେ ମୁଖ୍ଯ ଅତିଥି ଭାବରେ ଯୋଗଦାନ କରିଥିଲେ ବିଜେଡି ବିଧାୟକ ପ୍ରାର୍ଥି ଶ୍ରୀଯୁକ୍ତ ଲମ୍ବୋଦର ନିଆଲ, ଭୁଲିଆମୁଡା ଓ ଦବଡା ଗ୍ରାମର ମିଲିତ କ୍ରିୟାନୁଷ୍ଠାନ କମିଟି ଆନୁକୂଲ୍ୟରେ ଏହି ମଣ୍ଡେଇ ଉତ୍ସବ ପାଳନ କରାଯାଇଥିଲା । ବିଭିନ୍ନ ଦେବା ଦେବୀ ପୁଜାର୍ଚନା ସହିତ ଏକ ଜନ ସମ୍ପର୍କ ସଭା ମଧ୍ଯ ଅନୁଷ୍ଠିତ ହୋଇଥିଲା । ଏହି ସଭା କାର୍ଯ୍ୟ ରେ ସମ୍ମାନିତ ଅତିଥି ଭାବରେ ବିଜେଡି ନିର୍ବାଚନ ମଣ୍ଡଳୀର ସଭାପତି ମହେନ୍ଦ୍ର ସୁନାନୀ, ଖଇର ପଦର ପଂଚାୟତ ର ପୁର୍ବତନ ସରପଞ୍ଚ ଜୟରାମ ମାଝି, ବିଜେଡି ଯୁଗ୍ମ ସମ୍ପାଦକ ଦୟା ଥପା ପୁର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ପୁଷ୍ପାଞ୍ଜଳି ପାଣ୍ଡେ, ଜିଲ୍ଲା ପରିଷଦ ସଭ୍ୟା ପୁଷ୍ପାଞ୍ଜଳି ଗୁଆଲ, ଗ୍ରାମର ଝାଁକର ଭୁଜବଲ ମାଝି ଓ ଟେକନ ଚିନ୍ଦା ଲୋକ ମାନଙ୍କ ବିଭିନ୍ନ ସମସ୍ୟା ଶୁଣିବା ସହିତ ତାର ସମାଧାନ କିପରି ଅତିଶିଘ୍ର କରାଯାଇପାରିବ ମୁଖ୍ଯ ଅତିଥି ଲମ୍ବୋଦର ନିଆଲଙ୍କ ସହିତ ଆଲୋଚନା କରିଥିଲେ ଓ ଆଗାମୀ ଦିନରେ ସାପ୍ତାହିକ ବଜାର ର ଉନ୍ନତି କରଣ ରେ ଯଥାଶୀଘ୍ର ପଦକ୍ଷେପ ନିଆଯିବ ବୋଲି ପ୍ରତିଶୁତି ପ୍ରଦାନ କରିଥିଲେ । ଏହି କାର୍ଯ୍ୟକ୍ରମ ପରିଚାଲନା ରେ ସହଯୋଗ କରିଥିଲେ ବଜାର କମିଟିର ସଭାପତି ଚିନ୍ତାମଣି ମାଝି, ସଦନ ମାଝି, ସମ୍ପାଦକ ରମେଶ ମାଝି, ନିଲାଚଲ ତାଣ୍ଡି, ଟିକଚନ ଜଗତ ପୁସ୍ତମ ରଣା, ରିଖିରାମ ରଣା ଓ କମିଟିର ଅନ୍ୟ ସମସ୍ତ ସଦସ୍ଯ ମାନେ ଯୋଗଦାନ କରିଥିଲେ ।
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
