ଡାବୁଗାଁ, ୧୩/୩ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଘୋଡ଼ାଖୁଣ୍ଟା ଗ୍ରାମରେ ପୋଖରୀ ରେ ବୁଡି ସୋମବାର ଜଣେ ଯୁବକ ଙ୍କ ମୃତ୍ୟୁ ଘଟିଛି l ସୂଚନାଯୋଗ୍ୟ:- ଡାବୁଗାଁ ବ୍ଲକ ଅଧୀନ ଘୋଡ଼ାଖୁଣ୍ଟା ଗ୍ରାମର କାର୍ତ୍ତିକ ଶବର (୪୨) ନାମକ ଯୁବକ ଗାଈ ଚରାଇବାକୁ ଗ୍ରାମ ପାଖ ପଡିଆ କୁ ଯାଇଥିଲା l ଦିନ ପ୍ରାୟ ୧୨ ଘ. ସମୟରେ ଗ୍ରାମ ପାଖରେ ଥିବା ପୋଖରୀ ରେ ଗାଧୋଉ ଥିବା ସମୟରେ ଗୋଡ଼ ଖସି ଯାଇ ପାଣିରେ ବୁଡି ଯାଇଥିଲେ l ସେହି ସ୍ଥାନରେ ଗାଈ ଚରାଉଥିବା ଅନ୍ୟ ଗାଈ ଚରାଳି ମାନେ ଦେଖି ତାଙ୍କ ପରିବାର ଲୋକଙ୍କୁ ଖବର ଦେଇଥିଲେ l ଏହାପରେ ଲୋକ ମାନେ ପୋଖରୀ ରେ ଖୋଜାଖୋଜି କରି ଅପରାହ୍ନ ରେ କାର୍ତ୍ତିକ ଙ୍କୁ ଉଦ୍ଧାର କରିଥିଲେ l ପରେ ଆମ୍ବୁଲାନ୍ସ ଯୋଗେ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି କରିଥିଲେ l ସେଠାରେ କାର୍ତ୍ତିକ ଙ୍କୁ ଡାକ୍ତର ମୃତ ଘୋଷଣା କରିଥିଲେ l ପରେ ମୃତକ ଙ୍କ ବଡ଼ ଭାଇ ପ୍ରହଲ୍ଲାଦ ଶବର ଡାବୁଗାଁ ଥାନା ରେ ଏତଲା ଦେଇଥିଲେ l ଉକ୍ତ ଏତଲା କୁ ଭିତ୍ତି କରି ସିଂସାରୀ ଫାଣ୍ଡି ଅଧିକାରୀ ଗୋପାଳ କୃଷ୍ଣ ହାଲୱା ଘଟଣାସ୍ଥଳରେ ପହଁଞ୍ଚି ଶବ ଜବତ କରି ପଞ୍ଚନାମା କରି ବ୍ୟବଚ୍ଛେଦ ପାଇଁ ପଠାଇ ଥିଲେ l ମଙ୍ଗଳବାର ଶବ ବ୍ୟବଚ୍ଛେଦ କରାଯାଇ ପରିବାର ବର୍ଗ ଙ୍କୁ ହସ୍ତାନ୍ତର କରାଯିବ l ଏନେଇ ଥାନା କେସ ନଂ ୧୧/୨୩ ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି l
ଡାବୁଗାଁରୁ ପ୍ରଜ୍ଞା ରଞ୍ଜନ ପରିଡାଙ୍କ ରିପୋର୍ଟ
