ରାଉରକେଲା/ ସଂଗୀତାତ୍ମକ ଏବଂ ସାମାଜିକ ଅନୁଷ୍ଠାନ ସ୍ବରାଗିଣୀ ତରଫରୁ ଆନ୍ତର୍ଜାତିକ ମହିଳା ଦିବସ ଆଦର୍ଶ ସାହିତ୍ୟ ଘର ଠାରେ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ସଭାପତି ସ୍ବର୍ଣ୍ଣପ୍ରଭା ପଲେଇ ଙ୍କ ସଭାପତିତ୍ବ , ସଂପାଦକ ପୁଷ୍ପଲତା ବିଶ୍ବାଳଙ୍କ ଆବାହକତ୍ବ ଓ ମମତାଞ୍ଜଳୀ ଦାଶଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ଅତିଥି ଭାବେ ସମାଜସେବୀ ପ୍ରେମା ଦାସ, ଶିକ୍ଷାବିତ୍ ସନ୍ଥମା ପିଲାଇ,ଜିଲ୍ଲା ପରିଷଦ ଉପାଧ୍ୟକ୍ଷ କମଲ ଲାକ୍ରା, କବି କୁଞ୍ଜବିହାରୀ ରାଉତ, ଅମ୍ରିତା ନୀଲମ, ନୃତ୍ୟଗୁରୁ ସୁବ୍ରତ ଭୂୟାଁ, ଆଶୁତୋଷ ଓ ସହଦେବ ପ୍ରମୁଖ ଅତିଥି ଭାବେ ଯୋଗଦେଇଥିଲେ। ଅତିଥିମାନେ ମହିଳାଙ୍କ ମଧ୍ୟରେ ଆତ୍ମବିଶ୍ବାସ , ଏକାଗ୍ରତା, ଦକ୍ଷତା କୁ ଗୁରୁତ୍ବାରୋପ କରିବା ସହ ନାରୀର ଶକ୍ତିର ସଠିକ ଉପଯୋଗ କରିବା ପାଇଁ ଆହ୍ବାନ 
ଦେଇଥିଲେ। ଏହି ଅବସରରେ ଲେଡିଲାୟନ, ଆସ୍ଥା,ସାହାଜାଦ ସାହାଜାଦ, ଦେବୀ ଦତ୍ତ ଓ ନରେଶ ଗୋଏଲଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ଆରତୀ ନୃତ୍ୟ ଓ ପିଠା ପ୍ରତିଯୋଗିତା ତଥା ପୂର୍ବରୁ ଆୟୋଜିତ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତୀତ୍ବ ହାସଲ କରିଥିବା ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା । କାର୍ଯ୍ୟକ୍ରମ ପରିଚାଳନାରେ ରଶ୍ମିରାଣୀ ନାୟକ, ସୁନିତା ବିଶ୍ବାଳ, ଋପାଜ୍ୟୋତି ରେଡ୍ଡି, ଶ୍ବେତା ରାଉତ, ଦୀପ୍ତି ନାୟକ,ବିଶ୍ବରୂପା, ପଦ୍ମାରାଣୀ ବେହୁରିଆ, ମୀନତି ତ୍ରିପାଠୀ ପ୍ରମୁଖ ସହଯୋଗ କରିଥିଲେ । ଶେଷରେ ସଭାପତି ଶ୍ରୀମତୀ ପଲେଇ ଧନ୍ୟବାଦ ଅର୍ପଣ କରିଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
