ତିର୍ତୋଲ : – ଜଗତସିଂହପୁର ଜିଲ୍ଲା ତିର୍ତୋଲ ର ମଣିଜଙ୍ଗା ସ୍ଥିତ ମା ନାରାୟଣୀ ଙ୍କ ମନ୍ଦିର ପରିସରରେ ଗତ ଶନିବାର ଅପରାହ୍ନ ରେ ସମବାୟ ବ୍ୟାଙ୍କ ସେବା ଓ ଋଣକର୍ମଶାଳା, ତିର୍ତୋଲ କୃଷି ସେବା ସମବାୟ ସମିତି ର ସଭାପତି ତଥା ଅବସର ପ୍ରାପ୍ତ ସେନା ଅଧକାରୀ ସୁଶାନ୍ତ ଚରଣ ସାହୁ ଙ୍କ ପୌରାହିତ୍ୟ ରେ ଅନୁଷ୍ଠିତ ହୋଇଯାଇଛି !ଏହି ଋଣ କର୍ମଶାଳା ରେ ତିର୍ତୋଲ ସମବାୟ 
ବ୍ୟାଙ୍କ ର ମ୍ୟାନେଜର ଫକୀର ଚରଣ ସ୍ବାଇଁ , ବରିଷ୍ଠ ଅଧିକାରୀ ରଞ୍ଜିତ କୁମାର ସାହୁ , ସମିତିର ଉପସଭାପତି ରଶ୍ମିତା ମହାପାତ୍ର , ବରିଷ୍ଠ ନାଗରିକ ଶ୍ରୀବତ୍ସ ପ୍ରାସାଦ ସାହୁ , ଶିବ ପ୍ରସାଦ ବେହେରା ପ୍ରମୁଖ ବରେଣ୍ୟ ଅତିଥି ଭାବେ ଯୋଗଦେଇ, ତିର୍ତୋଲ ଅଞ୍ଚଳର ସର୍ବ ପୁରାତନ ବ୍ୟାଙ୍କ ତିର୍ତୋଲ ସମବାୟ ବ୍ୟାଙ୍କ ମାଧ୍ୟମରେ ଏ ଅଞ୍ଚଳରେ କୃଷିର ବିକାଶ ଓ କୃଷକ ମାନଙ୍କର ଅର୍ଥନୈତିକ 
ଅଭିବୃଦ୍ଧି ନିମନ୍ତେ ଏହି ବ୍ୟାଙ୍କ ନିରନ୍ତର କାର୍ଯ୍ୟ କରିଆସୁଛି ଏବଂ ସମବାୟ ବ୍ୟାଙ୍କ ରେ ସବୁଶ୍ରେଣୀର କୃଷକ ମାନଙ୍କ ପାଇଁ ସୁବିଧା ସୁଯୋଗ କରିଆସୁଛି ବୋଲି ସୂଚନା ପ୍ରଦାନ କରିଥିଲେ ବ୍ୟାଙ୍କ ର କର୍ମଚାରୀ ଅରୁଣ କୁମାର ଜେନା! ଏହି କର୍ମଶାଳାକୁ ଶତାଧିକ ସଂଖ୍ୟାରେ ଏସ. ଏଚ. ଜି. ର ମହିଳା ମାନେ ଅଂଶ ଗ୍ରହଣ କରି, ଋଣ ସମ୍ପର୍କିତ ବିଷୟରେ ବ୍ୟାଙ୍କ କର୍ତୃପକ୍ଷଙ୍କ ଠାରୁ ଅବଗତ ହୋଇଥିବାର ଦେଖିବାକୁ ମିଳିଥିଲା !
ତିର୍ତ୍ତୋଲରୁ ଭାଗବତ ପ୍ରସାଦଙ୍କ ରିପୋର୍ଟ ମସୀହା ନ୍ୟୁଜ ଓଡିଶା !
