ଜୟପାଟଣା:୫/୪/୨୩ // ଜୟପାଟଣା ଥାନା ଅନ୍ତର୍ଗତ ମୁଖିଗୁଡ଼ା ଗ୍ରାମରେ ଦିନ ଦ୍ବିପ୍ରହରରେ ଗୁଣ୍ଡାଗିରୀ ଯୋଗୁଁ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି । ସହର ମଧ୍ୟରେ ଥିବା ପାନ ଦୋକାନରେ ଭଙ୍ଗାରୁଜା ସହିତ ଦୋକାନିକୁ ମରଣାନ୍ତକ ଆକ୍ରମଣ ହୋଇଥିବା 
ଅଭିଯୋଗ ହୋଇଛି । ଘଟଣାରୁ ପ୍ରକାଶ ଯେ ସ୍ଥାନୀୟ ଯୁବକ ଓମ୍ ପ୍ରକାଶ ବୈଠାରୁ ଓରଫ (ବାପି) ଏବଂ ତା ସ୍ତ୍ରୀ ସାଙ୍ଗରେ କିଛି ଗୁଣ୍ଡା ବ୍ୟକ୍ତିଙ୍କୁ ଆଣି ରଞ୍ଜନ ଦଳେଇ ନାମକ ଯୁବକଙ୍କ ପାନ ଦୋକାନ ଉପରେ ଆକ୍ରମଣ କରି ଭଙ୍ଗାରୁଜା କରିଥିବା ଜଣାପଡ଼ିଛି । 
ଏଥିରେ ରଞ୍ଜନକୁ ଆକ୍ରମଣକାରୀ ମାନେ ଦୋକାନରେ ଥିବା ଲୁହାରଡ଼ରେ ତଥା ତୀକ୍ଷ୍ଣ ଅସ୍ତ୍ରରେ ଗଭୀର ଆଘାତ ଦେଇଥିବା ଜୟପାଟଣା ଥାନାରେ ଅଭିଯୋଗ ହୋଇଛି । ଏହି ଘଟଣାକୁ 
ସ୍ଥାନୀୟ ମା ବଣିକ ସଂଘ ତୀବ୍ର ନିନ୍ଦା କରିବା ସହିତ ସଂଘ ପକ୍ଷରୁ ଥାନାରେ ଏତଲା ଦିଆ ଯାଇଛି । ଦୋକାନି ଏବଂ ଆକ୍ରମଣକାରୀ ପୋଡ଼ାଶୀ ହୋଇଥିବାରୁ ଛୋଟ କଳିରୁ ମହାଭାରତ ଶ୍ରୁଷ୍ଟି ହୋଇଥିବା ପ୍ରତ୍ୟକ୍ଷଦର୍ଶୀଙ୍କ ଠାରୁ ପ୍ରକାଶ । ତେବେ ମୁଖୀଗୁଡା 
ଏକ ଶାନ୍ତିପ୍ରିୟ ଅଞ୍ଚଳ ହୋଇ ଥିବାରୁ ଏହି ଘଟଣା ଅଞ୍ଚଳ ବାସୀଙ୍କ ମନରେ ଘୋର ବ୍ୟାଘାତ ପହଞ୍ଚାଥିବା ସ୍ଥାନୀୟ ବଣିକ ସଂଘ ପକ୍ଷରୁ କ୍ଷୋଭ ପ୍ରକାଶ ପାଇଛି । ପୋଲିସ ପ୍ରଶାସନ ଘଟଣାର ଉପଯୁକ୍ତ ତଦନ୍ତକରୀ ଦୋଷୀକୁ ଉପଯୁକ୍ତ କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି ।
ଜଗମୋହନ ପଟ୍ଟନାୟକ (ବରିଷ୍ଠ ସାମ୍ବାଦିକ)
