ମୟୂରଭଞ୍ଜ;୧୭/୦୪/୨୦୨୩ (ମସିହା)ମୟୂରଭଞ୍ଜ ଜିଲ୍ଲା ଜାମଦା ବ୍ଲକ ବିଶ୍ବନାଥ ଛଉ ନାଚ ପ୍ରତିଷ୍ଠାନ ତାଳଗାଁ ତରଫରୁ ଦୁଇଦିନ ଧରି ଚଇତି ପର୍ବ ଉପଲକ୍ଷେ ଛଉ ନୃତ୍ୟ ଅନୁଷ୍ଠିତ ହୋଇଯାଇଛି |ଛଉ ନୃତ୍ୟରେ ପ୍ରଥମ ଦିବସରେ ପାଞ୍ଚପୀଢ଼ର ଅନ୍ତ ସାହି ଛଉ ପ୍ରତିଷ୍ଠାନ ଧ୍ବଜାତାଳ ନୃତ୍ୟ ଏବଂ ବିଶ୍ବନାଥ ଛଉ ନାଚ ପ୍ରତିଷ୍ଠାନ ତରଫରୁ ମାୟା ସବରୀ ନୃତ୍ୟ କଳାକାର ମାନେ ପ୍ରଦର୍ଶନ କରିଥିଲେ |
ଦ୍ବିତୀୟ ଦିବସରେ ରେଂଗାଳବେଡ଼ା ତିରିଂ ଛଉ ନାଚ ଦଳ ମେଘ ମୟୂରୀ ନୃତ୍ୟ ଏବଂ ତାଳଗାଁ ଛଉ କଳାକାର ଅପୂରବ ମିଳନ ନୃତ୍ୟ ମାଧ୍ୟମରେ ଦର୍ଶକମାନଙ୍କୁ ବିମୋହିତ କରିଦେଇଥିଲେ |ସାନ୍ଧ୍ୟ କାର୍ଯ୍ୟକ୍ରମରେ ତାଳଗାଁ ଗାଁ ର କୁନା କୁନି ମାନେ ଭଜନ ଗୀତରେ ତାଳେ ତାଳେ ଲୁକ୍କାୟିତ ପ୍ରତିଭାକୁ ଦେଖାଇଥିଲେ |
ଏହି ଅବସରରେ ପୂର୍ବତନ ମେମ୍ବର ତଥା ସମାଜସେବୀ ଶରତ ଚନ୍ଦ୍ର ମଣ୍ଡଳ କୋହଭରାରେ ଦର୍ଶକମାନଙ୍କୁ କହିଥିଲେ ଯେ ବିଶ୍ବନାଥ ଛଉ ନାଚ ପ୍ରତିଷ୍ଠାନ ମୟୂରଭଞ୍ଜ ଜିଲ୍ଲାରେ ସ୍ବତନ୍ତ୍ର ସ୍ଥାନ ପୂର୍ବରୁ ଅଧିକାର କରିଥିଲା |କିନ୍ତୁ ବର୍ତ୍ତମାନ ଗାଁ ର ଲୋକମାନଙ୍କର ଆନ୍ତରିକତା ଅଭାବରୁ ବିଶ୍ବ ପ୍ରସିଦ୍ଧ ଛଉ ନାଚ ଗ୍ରାମାଞ୍ଚଳ ଗୁଡ଼ିକରେ ଲୋପ ପାଇବାକୁ ବସିଲାଣି |ଛଉ ନାଚ ହେବା କଥା ଶୁଣିଲେ ଦୁଇ ଦଶନ୍ଧି ପୂର୍ବରୁ ଦର୍ଶକମାନେ ବସିବା ପାଇଁ ସ୍ଥାନ ପାଉନଥିଲେ କିନ୍ତୁ ବର୍ତ୍ତମାନ ଦର୍ଶକମାନଙ୍କୁ ଛଉ ନାଚ ର କଳାକାରମାନେ ବିଳମ୍ବିତ ରାତି ପର୍ଯ୍ୟନ୍ତ ପ୍ରତୀକ୍ଷା କରିବାକୁ ପଡୁଛି |ଛଉ ନାଚକୁ ଗାଁ ଗାଁ ରେ ତଥା ଜିଲ୍ଲାରେ ଜୀବିତ ରଖିବାକୁ ଆହ୍ବାନ ଦେଇଥିଲେ |ସମାଜସେବୀ ପ୍ରଶ୍ନ କୁମାର ଶତପଥୀ ବାର୍ତ୍ତା ଦେଇ ଜଣାଇଛନ୍ତି ଯେ ଗ୍ରାମାଞ୍ଚଳର ଛଉନାଚର କଳାକାରମାନଙ୍କ ପ୍ରତି ସରକାରଙ୍କ ଉଦାସୀନତା ମନୋଭାବ ଯୋଗୁଁ ଛଉ ନାଚ ଲୋପ ପାଇବାକୁ ବସିଲାଣି |ଏଣୁ ବ୍ଲକ ସ୍ତରରୁ ରାଜ୍ୟ ସରକାରଙ୍କ ପର୍ଯ୍ୟନ୍ତ ଛଉ ନାଚ ପାଇଁ ଆନ୍ତରିକତା ରହିବା ନିତାନ୍ତ ଜରୁରୀ ଏବଂ ଜନସାଧାରଣ ମାନେ ଛଉ କଳାକାରଙ୍କୁ ଉତ୍ସାହ ତଥା ପ୍ରୋତ୍ସାହନ ଯୋଗାଇବା ଉଚିତ୍ |ତାଳଗାଁ ବିଶ୍ବନାଥ ଛଉ ନାଚ ପ୍ରତିଷ୍ଠାନର ପ୍ରଦୀପ ମୁହାକୁଡ଼,ଲକ୍ଷ୍ମଣ ମହାକୁଡ଼,ସୁରେନ୍ଦ୍ର ମୁହାକୁଡ଼, ଅନୂପ ମୁହାକୁଡ,ରଘୁ ବାର୍ଦା,ପୂର୍ଣ୍ଣ ବିରୁଆ,ରଘୁବୀର ବିରୁଆ,ଜନକ ହେମ୍ର୍ବମ,ଜିତେନ୍ ପ୍ରଧାନ ପ୍ରମୁଖ ପରିଚାଳନା କରିଥିଲେ |
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
