ଗୋଳାମୁଣ୍ଡା,/ନିର୍ଭୟ ନିରପେକ୍ଷ ମସିହା, //ବେଆଇନ ବାଲି ଚାଲାଣ କରୁଥିବା ବେଳେ ଆଜି ପରିବହନ ବିଭାଗ ପକ୍ଷରୁ ୪ଟି ଟ୍ରାକ୍ଟରକୁ ଧରପଗଡ଼ କରି ଲକ୍ଷ୍ୟାଧିକ ଟଙ୍କା ଜରିମାନା ଆଦାୟ କରିବା ଘଟଣା ଏଠାରେ ଚର୍ଚ୍ଚାର ବିଷୟ ହୋଇଛି । ପ୍ରାପ୍ତ ସୂଚନାରୁ ପ୍ରକାଶ ଯେ, କଳାହାଣ୍ଡି ଜିଲ୍ଲା ଗୋଳାମୁଣ୍ଡା ବ୍ଲକ ପଣ୍ଡକୁଳ ବାଲିଘାଟ ଉପରେ ବାଲି ଚୋରାଚାଳାଣ ନେଇ ବିଭିନ୍ନ 
ଖବରକାଗଜରେ ପ୍ରକାଶିତ ହୋଇଥିବା ବେଳେ ବାଲି ବୋଝେଇ ଟ୍ରାକ୍ଟର ଉପରେ ଚଢଉ କରିଛି ଜିଲ୍ଲା ପରିବହନ ବିଭାଗ । ଆଜି ପଣ୍ଡକୁଳ ଆସି ୪ଟି ଟ୍ରାକ୍ଟର ଜବତ କରି ୧ଲକ୍ଷ୍ୟରୁ ଉର୍ଦ୍ଧ୍ବ ଟଙ୍କା ଜୋରିମାନା କରି ଦଶପୁର ଫାଣ୍ଡିରେ ୪ଟି ଟ୍ରାକ୍ଟର ଜିମା ଦେଇଥିବା ପରିବହନ ବିଭାଗ ପକ୍ଷରୁ କୁହାଯାଇଛି । ଟ୍ରାକ୍ଟର ଗୁଡିକର କାଗଜପତ୍ର ଠିକ ନ ଥିବାରୁ ଜୋରିମାନା କରାଯାଇଥିବା ପ୍ରକାଶ ପାଇଛି । ପଣ୍ଡକୁଳ ବାଲିଘାଟରେ ବିନା ନମ୍ୱର ଥିବା ଟ୍ରାକ୍ଟର ଗୁଡିକରେ ବାଲି ଚାଲାଣ ହେଉଥିବା ଖବର ପାଇ ଚଢଉ କରାଯାଇଥିବା ସୂଚନା ମିଳିଛି ।
ଗୋଳାମୁଣ୍ଡା ବ୍ଲକରୁ ରାମକୁମାର ସେନାପତି ଙ୍କ ରିପୋର୍ଟ ପ୍ରଗତିଶୀଳ ମସିହା
