କୋକସରା,୮ା୩- ଆନ୍ତର୍ଜାତୀୟ ମହିଳା ଦିବସ ଅବସରରେ କୌଶଲ୍ୟା ଶିକ୍ଷା ଫାଉଣ୍ଡେସନ ଦ୍ୱାରା ମଙ୍ଗଳବାର କଳାହାଣ୍ଡି ଜିଲ୍ଲା କୋକସରା ବ୍ଲକ ଶିକ୍ଷା ବିଭାଗ ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଛି । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଆର୍ସିସି ତୋଫାନ ମାଝୀ ଯୋଗଦେଇଥିଲେ । ସମ୍ମାନୀତ ଅତିଥି ନୋଡାଲ ସିଆର୍ସିସି ବୈକୁଣ୍ଠ ଜାଲ, ସଞ୍ଜୟ ପୁଝାରି ପ୍ରମୂଖ ଉପସ୍ଥିତ ଥିଲେ । ଏହି ଅବସରରେ ବିଦ୍ୟାଳୟର ପିଲା ମାନେ ଏକ ଶୋଭାଯାତ୍ରାରେ ବାହାରି ମହିଳା ସଶକ୍ତିକରଣ ଉପରେ ସଚେତନତା ବାର୍ତ୍ତା ଦେଇଥିଲେ । ବ୍ଲକ ମ୍ୟାନେଜର କୌଶଳ କିଶୋର କାର୍ଯ୍ୟକ୍ରମର ଉଦ୍ଦେଶ୍ୟ ବିଷୟରେ ସୂଚନା ଦେଇଥିଲେ । ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଜୟଶ୍ରୀ ବାଲା ଠାକୁର ଉପସ୍ଥିତ ଛାତ୍ରମାନଙ୍କ ପାଇଁ ମହିଳାଙ୍କ ଅଧିକାର ବିଷୟରେ ବିସ୍ତୃତ ଭାବରେ ବର୍ଣ୍ଣନା କରିଥିଲେ । କାର୍ଯ୍ୟକ୍ରମ ରେ ସମସ୍ତ ପିଲାମାନେ ଉତ୍ସାହର ସହିତ ଅଂଶଗ୍ରହଣ କରିଥିବା ବେଳେ ବିଦ୍ୟାଳୟର ଶିକ୍ଷକ ରୁନି ନାୟକ, ଦୟାସାଗର ଘି, ଗୀତାଞ୍ଜଳି ଶବର, ମୂରଲୀଧର ମାଝୀ, ରୁକ୍ମିଣୀ ଶବର ଏବଂ ଅନ୍ୟମାନେ ସହଯୋଗ କରିଥିଲେ । ମ ନି ସ
