କର୍ଲାମୁଣ୍ଡା (ସୁଶାନ୍ତ ରଣା): ଶନିବାର ରାଜ୍ୟର ବିଭିନ୍ନ ବ୍ଲକ ରେ ବ୍ଲକ ଅଧ୍ୟକ୍ଷ/ଅଧ୍ୟକ୍ଷା ନିର୍ବାଚନ ଅନୁଷ୍ଠିତ ହୋଇଯାଇଛି। ସେହିପରି କର୍ଲାମୁଣ୍ଡା ବ୍ଲକରେ ବ୍ଲକ ଅଧ୍ୟକ୍ଷା ଆସନ ଅଣ ସଂରକ୍ଷିତ ବର୍ଗର ମହିଳାଙ୍କ ପାଇଁ ରହିଥିବା ବେଳେ ଗଜବାହଲ ଗ୍ରାମ ପଞ୍ଚାୟତରୁ ସମିତି ସଭ୍ୟା ଭାବେ ନିର୍ବାଚିତ ହୋଇଥିବା ଶ୍ରୀମତୀ କୁନି ସାହୁ ନିର୍ଦ୍ୱନ୍ଦରେ ବ୍ଲକ ଅଧ୍ୟକ୍ଷା ଭାବେ ନିର୍ବାଚିତ ହୋଇଛନ୍ତି। ବ୍ଲକର ୧୨ ଜଣ ସମିତି ସଭ୍ୟ/ସଭ୍ୟା ମାନଙ୍କ ମଧ୍ୟରୁ ୧୦ ଜଣ ଉପସ୍ଥିତ ଥିବା ବେଳେ ୨ ଜଣ ଅନୁପସ୍ଥିତ ରହିଥିଲେ l ଶ୍ରୀମତୀ କୁନି ସାହୁ ବିଜେଡ଼ି ସମର୍ଥିତ ପ୍ରାର୍ଥୀନୀ ଭାବେ ନାମାଙ୍କନ ଦାଖଲ କରିଥିଲେ l ଅନ୍ୟ କେହି ପ୍ରତିଦ୍ବନ୍ଦିତା କରି ନ ଥିବାରୁ ଶ୍ରୀମତୀ ସାହୁଙ୍କୁ ବିଜୟୀ ଘୋଷଣା କରାଯାଇ ଥିଲା l (କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା)
