ରାଉରକେଲା / ରାଉରକେଲା ର ଅତିରିକ୍ତ ଜିଲ୍ଲାପାଳ ତଥା ମହାନଗର ନିଗମ ର ଆୟୁକ୍ତ ଡ଼ଃ ଶୁଭଙ୍କର ମହାପାତ୍ରଙ୍କୁ ରାଉରକେଲା ର ଅଗ୍ରଣୀ ସାହିତ୍ୟନୁଷ୍ଠାନ ଶ୍ରୀଧର ସ୍ମୃତିଜ୍ଞାନ ବିକାଶ କେନ୍ଦ୍ର ପକ୍ଷରୁ ଅନୁଷ୍ଠାନ ର ସାଧାରଣ ସମ୍ପାଦକ ଡ଼ଃ ସୁବାସ ଚନ୍ଦ୍ର ଲେଙ୍କା ଙ୍କ ଦ୍ୱାରା ମହାନଗର ନିଗମ କାର୍ଯ୍ୟାଳୟରେ ପୁଷ୍ପଗୁଛ୍ଛ , ଉତ୍ତରୀୟ , ମେମୋଣ୍ଟୋ ସହିତ କ୍ଷେତ୍ରପାଳ ସମ୍ମାନର ମାନପତ୍ର ପ୍ରଦାନ କରାଯାଇ ସମ୍ମାନିତ କରାଯାଇଥିଲା ।
ଆଜିର ଏହି ନିରାଡମ୍ବର ସମାରୋହ ରେ ଅନ୍ୟମାନଙ୍କ ମଧ୍ୟରେ ମହାନଗର ନିଗମ ର ଉପାୟୁକ୍ତ ସୁଧାଂଶୁ ଶେଖର ଭୋଇ, ନାଟ୍ୟକାର ନିକୁଞ୍ଜ ବିହାରୀ ଦାଶ, କବି କିଶୋରୀ ମୋହନ କର, ଉମାଶଙ୍କର ତିୱ।ରି, କେ.କେ.ଠାକୁର ,ଶଶଧର ପଣ୍ଡା ଙ୍କ ବ୍ୟତୀତ ଅନୁଷ୍ଠାନର ବହୁ ପଦାଧିକାରୀ ଗଣ ଉପସ୍ଥିତ ରହି ସମ୍ବର୍ଦ୍ଧନା ସମାରୋହ ରେ ସହଯୋଗ କରିଥିଲେ । ସୂଚନାଯୋଗ୍ୟ ଯେ ଅନୁଷ୍ଠାନର ୪୨ ତମ ବାର୍ଷିକ ସାରସ୍ଵତ ସମାରୋହ ରେ ଡଃ ମହାପାତ୍ରଙ୍କୁ ସମ୍ବର୍ଦ୍ଧିତ କରାଯିବବୋଲି ସ୍ଥିର କରାଯାଇଥିଲା । ଅନିର୍ବାର୍ଯ୍ୟ କାରଣ ବସତଃ ଯୋଗୁଁ ସେ ଯୋଗଦେଇ ପାରି ନଥିବାରୁ ଆଜି ତାଙ୍କ କାର୍ଯ୍ୟାଳୟରେ ସମ୍ବର୍ଦ୍ଧିତ କରାଯାଇଥିଲା ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
