ମ,ରାମପୁର,୦୭/୬( ମସୀହା);- କଳାହାଣ୍ଡି ଜିଲ୍ଲା ମ,ରାମପୁର ବ୍ଲକ୍ ଆଦିବାସୀ ଅଧ୍ୟୁଷିତ ଲୁବେନଗଡ ପଞ୍ଚାୟତ ର ଲୁବେନଗଡ଼ ସେବାଶ୍ରମ ଓ ମୋହନଗିରି ଗ୍ରାମ ପଞ୍ଚାୟତ ର ବାଲିଭଟା ସେବାଶ୍ରମ ବିଦ୍ୟାଳୟ ୫ ଟି ଚତୁର୍ଥ ପର୍ଯ୍ୟାୟ ରେ ସାମିଲ୍ ହେଇଛି । ଏ ନେଇ ଜିଲ୍ଲା ପରିଷଦ ଅଧ୍ୟକ୍ଷ ପୁଷ୍ପେନ୍ଦ୍ର ସିଂହଦେଓ, ବିଡ଼ିଓ ବିନୟ ଭୋଇ, ଜିଲ୍ଲା ସମାଜ ମଙ୍ଗଳ ଅଧିକାରୀ ଅରବିନ୍ଦ ରାୟ, ଏ ଇ ଇ ବଲ୍ ବିନ୍ଦର ସିଂ ଯାଦବ,ବ୍ଲକ ସମାଜ ମଙ୍ଗଳ ଅଧିକାରୀ ଶ୍ୟାମ ସୁନ୍ଦର ନାଏକ, ସମାଜ ସେବୀ ବିକାଶ ରଞ୍ଜନ ସିଂହ ଦେଓ ଉଭୟ ବିଦ୍ୟାଳୟ ପରିଦର୍ଶନ କରି ଖୁବ୍ ଶୀଘ୍ର ଦୁଇଟି ବିଦ୍ୟାଳୟ ର ରୂପାନ୍ତରଣ କାର୍ଯ୍ୟ ଆରମ୍ଭ କରାଯିବ ବୋଲି କହିଥିଲେ । ଲୁବେନଗଡ ଠାରେ ସ୍ଥାନୀୟ ସରପଞ୍ଚ ରମା ମାଝୀ , ସମିତି ସଭ୍ୟ ସାବତ ମାଝୀ , ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ, ଶିକ୍ଷକ ବୃନ୍ଦ ଓ ଗ୍ରାମବାସୀ ଙ୍କ ଉପସ୍ଥିତି ରେ ସେବା ଶ୍ରମ ବିଦ୍ୟାଳୟ ର ଅନେକ ସମସ୍ୟା ଉପରେ ଆଲୋଚନା କରିଥିଲେ । ବିଦ୍ୟାଳୟ ରେ ପାନୀୟ ଜଳ ଓ ଶୌଚାଳୟ ର ବନ୍ଦୋବସ୍ତ ନିତାନ୍ତ ଆବଶ୍ୟକ ବୋଲି ଗ୍ରାମବାସୀ ମତ ଦେଇଥିଲେ । ଏ ଦିଗରେ ଖୁବ୍ କମ୍ ଦିନ ଭିତରେ ନିଶ୍ଚିତ ସମାଧାନ କରା ଯିବ ବୋଲି କହିଥିଲେ । ଏଥି ସହିତ ମଦନ ପୁର ସେବାଶ୍ରମ ବିଦ୍ୟାଳୟ କୁ ମଧ୍ୟ ୫ ଟି ଅନ୍ତର୍ଭୁକ୍ତ କରାଯାଇଛି ବୋଲି ଜିଲ୍ଲା ପରିଷଦ ଅଧ୍ୟକ୍ଷ ଶ୍ରୀ ସିଂହ ଦେଓ ପ୍ରକାଶ କରିଥିଲେ ।
ମ.ରାମପୁର ରୁ ପରମାନନ୍ଦ ବିଶି ଙ୍କ ରିପୋର୍ଟ
