ପାପଡାହାଣ୍ଡି 10/6, ମନିସ — – ନବରଙ୍ଗପୁର ରୁ କଳାହାଣ୍ଡି କୁ ଯାଉଥିବା 26 ନଂ ଜାତୀୟ ରାଜପଥ ର ଦଳେଇଗୁଡା ନିକଟରେ ରାତ୍ର 9.30 ମିନିଟ ସମୟରେ ଏକ ବର ଗଛ ପଡି ଜାତୀୟ ରାଜପଥ 26 ଅବରୋଧ ହୋଇଥିଲା | ଏହି ସମୟରେ ପାପଡାହାଣ୍ଡି ବ୍ଲକ କଂଗ୍ରେସ ର କାର୍ଯ୍ୟକାରୀ ସଭାପତି ବିକାଶ ରାଓ ମୈଦଳପୁର ନିଜ ଘର ପାପଡାହାଣ୍ଡି କୁ ଫେରୁଥଲେ , ସେ 
ଏହା ଦେଖି 112 ନଂ ଏବଂ ପାପଡାହାଣ୍ଡି ଥାନାଧିକାରୀ ଙ୍କୁ ଫୋନ ମାଧ୍ୟମରେ ଜଣାଇଥିଲେ | ଖବର ପାଈ ପାପଡାହାଣ୍ଡି ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ବରଗଛ ଡାଳକୁ ତୁରନ୍ତ ରାସ୍ତା ରୁ ହଟାଇବା ରେ ଲାଗିପଡ଼ିଥିଲେ | ପ୍ରାୟ ଅଧଘଣ୍ଟା ମଧ୍ୟରେ ଜାତୀୟ ରାଜପଥ ରୁ ଡାଳ କୁ ହଟାଇ ଥିଲେ | ଘଟଣା ସ୍ଥଳରେ ପାପଡାହାଣ୍ଡି ତହସିଲଦାର ଯୋଗେଶ୍ୱର ଭୋଇ ଏବଂ ପାପଡାହାଣ୍ଡି ଏସ ଡି ପି ଓ ଆଦିତ୍ୟ କୁମାର ସେନ ଏବଂ ପାପଡାହାଣ୍ଡି ଏସଆଇ ଶିବଜି ପଣ୍ଡା ଘଟଣା ସ୍ଥଳରେ ପହଞ୍ଚି ତଦାରଖ କରିଥିଲେ |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
