ସରସ୍ଵତୀ ଶିଶୁ ବିଦ୍ୟା ମନ୍ଦିର କେନ୍ଦୁଝର ଗଡ଼ର ଆଚାର୍ଯ୍ୟ ଶ୍ରୀ ମହେଶ୍ବର ନାଥଙ୍କୁ “ଆଦର୍ଶ ଶିକ୍ଷକ” ସମ୍ମାନରେ ସମ୍ମାନିତ କରାଯାଇଛି । କେନ୍ଦୁଝର ଜିଲ୍ଲା ମା ତାରିଣୀ ପୀଠ ଘଟଗାଁ ସ୍ଥିତ ମା ହୋଟେଲରେ ତା ୧୧.୦୬.୨୦୨୩ ରିଖ ରବିବାର ଦିନ ୧୦ଘଟିକାରେ ଭରସା ପରିବାର ତରଫରୁ ଆୟୋଜିତ ଏକ ସମାରୋହରେ ଶ୍ରୀ ନାଥଙ୍କୁ ସମ୍ମାନିତ କରାଯାଇଛି । ଶ୍ରୀ ନାଥ ପ୍ରଥମେ ସରସ୍ଵତୀ ଶିଶୁ ବିଦ୍ୟା ମନ୍ଦିର ଘଷିପୁରା ଠାରେ ଦୀର୍ଘ ୧୭ବର୍ଷରୁ ଉର୍ଦ୍ଧ୍ବ ଆଚାର୍ଯ୍ୟ ରୂପେ କାର୍ଯ୍ୟ କଲା ଅଧୁନା ୨୦୧୭ମସିହା ଠାରୁ କେନ୍ଦୁଝର ସରସ୍ଵତୀ ଶିଶୁ ବିଦ୍ୟା ମନ୍ଦିରରେ କାର୍ଯ୍ୟରତ ।
ଭରସା ପରିବାର ର ରାଜ୍ୟ ସଭାପତି ଶ୍ରୀଯୁକ୍ତ ଲମ୍ବୋଦର ମହାନ୍ତ ଅଧ୍ୟକ୍ଷତା କରିଥିବା ବେଳେ ମୁଖ୍ୟ ଅତିଥି ଭାବେ ଷ୍ଟିଲ୍ ସିଟି ଉଚ୍ଚ ମାଧ୍ୟମିକ ବିଜ୍ଞାନ ମହାବିଦ୍ୟାଳୟ , ଦାନଗଦିର ଚେୟରମ୍ୟାନ ଶ୍ରୀଯୁକ୍ତ ପ୍ରତାପ କୁମାର ରାୟ ଓ ସମ୍ମାନିତ ଅତିଥି ଭାବେ ସି ଟି ଜି ଫାଉଣ୍ଡେସନର ଚେୟାରମ୍ୟାନ୍ ଶ୍ରୀଯୁକ୍ତ ରାଜେନ୍ଦ୍ର କୁମାର ପଲେଇ ଏବଂ କେନ୍ଦୁଜୁଆଣି ଆବାସିକ ଶିଶୁ ବିଦ୍ୟା ମନ୍ଦିରର ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ପର୍ଶୁରାମ ମହାନ୍ତ ଯୋଗ ଦେଇଥିଲେ ।ଶିକ୍ଷାଦାନ ସହ ସମାଜ ସେବା ଓ ଜଣେ ଯୁବ କବି ଭାବେ ଓଡ଼ିଶାର ବିଭିନ୍ନ ସାହିତ୍ୟ ଅନୁଷ୍ଠାନ ସହ ମଧ୍ୟ ସେ ଜଡ଼ିତ ।
ଅଭିମନ୍ୟୁ ସାମନ୍ତ ସିଂହାର ସାହିତ୍ୟ ସୃଜନୀ ଦ୍ଵାରା “କବି କୁଳମଣି ସମ୍ମାନ -୨୦୨୩” , ଓଡ଼ିଶା ସାହିତ୍ୟିକ ସଂଗଠନ, ଭୁବନେଶ୍ୱର ଦ୍ଵାରା “ଗୀତା ଜ୍ଞାନ ଦର୍ଶନ”, କବିର କବିତା ସାହିତ୍ୟ କଳା ଏବଂ ସେବା ପରିଷଦ, ସମ୍ବଲପୁର ଦ୍ଵାରା “ରାଜ୍ୟସ୍ତରୀୟ ଗୁରୁ ଗୌରବ ସମ୍ମାନ -୨୦୨୩” , ସେହିପରି ମାଟିଲଗ୍ନା ସାହିତ୍ୟ ସଂସଦ, ମାଲକାନଗିରି ତରଫରୁ “ମାଟିଲଗ୍ନା ବନ୍ଧୁ ” ସମ୍ମାନ ତଥା ନବ ଚେତନା ସାହିତ୍ୟ ଅନୁଷ୍ଠାନ ଦ୍ଵାରା ମଧ୍ୟ ସେ ସମ୍ବର୍ଦ୍ଧିତ ହୋଇଛନ୍ତି ।
ମସିହା ନିୟୂଜ୍ ସର୍ଭିସ୍
