ଗୋଲାମୁଣ୍ଡା ବ୍ଲକ ଅନ୍ତର୍ଗତ ଟେମରି ଗ୍ରାମ ପଞ୍ଚାୟତର କୁମ୍ଭାରୀ ଗ୍ରାମର ଚାରିକୋଣିଆ ପୋଖରୀକୁ ଯିବା ରାସ୍ତା ଅଳିଆବର୍ଜନାରେ ପରିପୂର୍ଣ୍ଣ ହୋଇ ଥିବା ହେତୁ ଯିବାଆସିବା କରିବାରେ ବହୁତ ଅସୁବିଧା ହେଉଛି l ଖରାଦିନରେ ଏହି ଅଂଚଳର ନଦୀ,ନାଳ ଶୁଖିଯିବାରୁ ଚାରିକୋଣିଆ ପୋଖରୀ ଉପରେ କୁମ୍ଭାରୀ ଓ ଟେମରୀ (ଡିଗ୍ରାପଡା) ଗ୍ରାମର ଲୋକମାନେ ନିତ୍ୟକର୍ମ ଓ ଗାଧୋଇବା ତଥା ଅନ୍ୟାନ୍ୟ ଜଳ ଆବଶ୍ୟକୀୟ କାର୍ଯ୍ୟ ଉପରେ ନିର୍ଭର କରିଥାନ୍ତି l କିନ୍ତୁ ଏହି ପୋଖରୀକୁ ଯିବା ରାସ୍ତାରେ ବର୍ଷ ବର୍ଷ ଧରି ଅଳିଆବର୍ଜନା ଜମି ରହୁଥିବାରୁ ଗ୍ରାମ ପଞ୍ଚାୟତ କିମ୍ବା କୌଣସି ବେସରକାରୀ ଅନୁଷ୍ଠାନ ତରଫରୁ ସଫେଇ କାର୍ଯ୍ୟକ୍ରମ ହେଉ ନ ଥିବାରୁ ଦୁର୍ଗନ୍ଧ ବାହାରି ଅସ୍ବାସ୍ଥକର ପରିବେଶ ସୃଷ୍ଟି କରୁଛି l ତୁରନ୍ତ ଏହାର ପ୍ରତିକାର ପାଇଁ ଗ୍ରାମ ପଂଚାୟତ ତରଫରୁ ସଫେଇ କାର୍ଯ୍ୟକ୍ରମ ହାତକୁ ନିଆଯାଉ ବୋଲି ପଞ୍ଚାୟତବାସୀଙ୍କ ତରଫରୁ ଅଭିଯୋଗ ହେଉଛି ଏବଂ ନୂତନ ପଂଚାୟତ ପ୍ରତିନିଧିମାନେ ଏହାର ସୁବ୍ୟବସ୍ଥା କରିବେ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି l
ଟେ ମ ରି ରୁ ଜଗଜ୍ଵିବନ ସା ଙ୍କ ରିପୋର୍ଟ
