ଜଗନ୍ନାଥ ଜଣାଣ
ଆହେ ଜଗନ୍ନାଥ ନନ୍ଦ ନନ୍ଦନ
ଭକ୍ତି ଭରେ କରେ ପଦ ବନ୍ଦନ ।୧।
ଦୟା ବହି ଘେନ ପୂଜା ଅର୍ଚ୍ଚନା
ଦୋଷ ଥିଲେ ମୋତେକରମାର୍ଜନା।୨
ଯାହା ଦେଖୁ ଅଛି ସାରା ସଂସାରେ
ସବୁ ଚାଲିଅଛି ତୁମ୍ଭ କୃପାରେ ।୩|
ତୁମ୍ଭ ଆଜ୍ଞା ବଳେ ବହେ ପବନ
ତୁମ୍ଭ ଆଜ୍ଞା ହେଲେ ଉଏଁ ତପନ।୪।
ତୁମ୍ଭ ଆଜ୍ଞା ବଳେ ବର୍ଷେ ବରଷା
ତାରୁ ତୃଣ କରି ସୁନ୍ଦର ରସା ।୫|
ଫୁଲ ଫୁଟେ ନାନା ଵୃକ୍ଷ ଲତାରେ
ପ୍ରଜା ପତି ଉଡ଼େ ମଧୁ ଆଶାରେ।୬|
କେତେ ପଶୁ ପକ୍ଷୀ ଲୀଳା ଲଗାଇ
ଲୀଳା ମୟ ତୁମ୍ଭେ ଜଗତ ସାଇଁ।୭|
ତୁମ୍ଭ ବୋଲେ ଵହେ ନଦୀ ଝରଣା
ତୁମ୍ଭ ଲାଗି ବିଦ୍ୟୁ ସ୍ଵର୍ଣ୍ଣ ବରଣା।୮।
ତୁମ୍ଭ ଆଜ୍ଞା ବଳେ ଗ୍ରହ ନକ୍ଷତ୍ର
ଘୁରୁ ଛନ୍ତି ସୂର୍ଯ୍ୟ ପାଶେ ନିରତ।୯।
ତୁମ୍ଭ ଲୀଳା ଅମାବାସ୍ୟା ପୂର୍ଣ୍ଣିମା
ଦିନ ରାତି ସଞ୍ଜ ପ୍ରାତ ଗାରିମା।୧୦|
ତୁମ ଆଜ୍ଞା ପାଇ ପୁନେଇଁ ଜହ୍ନ
ପୃଥୀ କରି ଥାଏ ଶ୍ବେତ ବରଣ।୧୧|
ତୁମ୍ଭେ ରହିଅଛ ସାରା ଜଗତେ
ଜଳେ ସ୍ଥଳେ ଅବା ରମ୍ୟମରତେ।
ତୁମ୍ଭେ କେତେ ରୁପେ ହୁଅ ପ୍ରକାଶ
ସୀମା ହୀନ ତୁମ୍ଭ ରୂପ ଆକାଶ।୧୩।
ତୁମ୍ଭେ ଫୁଲ ଅଙ୍ଗେ ଭରିଛ ବାସ
ତୁମ୍ଭେ ସବୁହର ହୋଇ ବତାସ।୧୪।
କୁହୁଡ଼ି କାକରେତୁମ୍ଭେ କାଳିଆ
କେତେ ରଙ୍ଗେ ନୃତ୍ୟ କର ନଟିଆ ।
ତୁମ୍ଭେ ଭରିଅଛ ଫଳେ ଅମୃତ
ତୁମ୍ଭେ ସର୍ପେଦେଲ ବିଷ ବହୁତ।୧୬|
କାହା ମୁଖେ ହସ ଜୀବନ ସାରା
କାହା ନେତ୍ରେ ଢାଳ ଲୋତକ ଧାରା।
କେତେ ମୁନି ଋଷି ସାଧୁ ସଜ୍ଜନ
କରୁଛନ୍ତି ତୁମ୍ଭ ନାମ ଗାୟନ ।୧୮|
ତୁମ୍ଭେ ବିହରୁଛ ପ୍ରତି ଜୀବରେ
ଶିଶୁ ରୂପେ ପୁଣି ବୃଦ୍ଧ ରୂପରେ।୧୯।
ତେଣୁ ତୁମ୍ଭ ଠାରେ ମୋର ଗୁହାରୀ
ଭଲପଥେ ନିଅ ବିଶ୍ୱ ବିହାରୀ।୨୦|
ଶ୍ରୀ ବିଦ୍ୟାଧର ମହାନ୍ତ
ତମ୍ବାହରା ହରି ଚନ୍ଦନ ପୁର କେନ୍ଦୁଝର
