ଗୋଳାମୁଣ୍ଡା/2/7/ନିର୍ଭୟ, ନିରପେକ୍ଷ ମସିହା // କଳାହାଣ୍ଡି ଜିଲ୍ଲା ଗୋଳାମୁଣ୍ଡା ବ୍ଲକ ଚିଚିଆ ପଞ୍ଚାୟତ ଲାଖୁରଭଟ୍ଟା ଗ୍ରାମରେ ଥିବା ବନ୍ଦଲି ମଡେଲ ଟ୍ୟାଙ୍କରେ ମନରେଗା ଯୋଜନାରେ ୨୦୨୨/୨୩ ଆର୍ଥିକ ବର୍ଷରେ ୧୦ ଲକ୍ଷ୍ୟ ଟଙ୍କାର କାମ ହୋଇଛି । କାମର ବିଲ ପୈଠ ହୋଇ ନ ଥିବାବେଳେ ପୁଣି ଜେସିବି ମେସିନ ଦ୍ୱାରା ଚାଲିଛି ମାଟି କାମ । ଏନେଇ ଚିଚିଆ ସରପଞ୍ଚ ମଦନ ପଟେଲ ଓ ପିଇଓ ବିଶ୍ୱରଞ୍ଜନ ପଣ୍ଡାଙ୍କୁ ପଚାରିଲେ ଏ ସଂକ୍ରାନ୍ତରେ ଜାଣି ନ ଥିବା କହିଥିଲେ । ପରେ ଦାୟିତ୍ୱରେ ଥିବା କନିଷ୍ଠ ଯନ୍ତ୍ରୀ ମିତାଞ୍ଜଳି ଙ୍କୁ ଫୋନ ଯୋଗାଯୋଗ କରାଯାଇଥିଲା । ସେ କହିବାନୁଯାୟୀ ସୂଚନା ଫଳକ ଅନୁଯାଇ କାମ ଶେଷ ହୋଇଛି ହେଲେ ବିଲ ପୈଠ 
ହୋଇନାହିଁ । ବର୍ତ୍ତମାନ ଯେଉଁ କାମ ଚାଲିଛି ଜାଣି ନି ବୋଧେ ବ୍ଲକ ଅଧ୍ୟକ୍ଷଙ୍କ କାମ ହୋଇଥାଇ ପାରେ ବୋଲି ସଫେଇ ଦେଇଥିଲେ । ବିଲ ପୈଠ ହୋଇ ନ ଥିବା ବେଳେ ବିନା ସୂଚନା ଫଳକରେ କେମିତି ତା ଉପରେ ମାଟି କାମ ଚାଲିଛି ଏ ଉପରେ ଚିଚିଆ ସରପଞ୍ଚଙ୍କ ପକ୍ଷରୁ ଅସନ୍ତୋଷ ପ୍ରକାଶ ପାଇଛି । ଏ ପଟେ ଚିଚିଆ ସମିତି ସଭ୍ୟ ସନ୍ତୋଷ ପୁଟେଲ ମନରେଗା କାମର ବିଲ ପୈଠ ଶେଷ ହୋଇଥିବା ଯୋଗୁଁ ସେହି ଟ୍ୟାଙ୍କରେ ଜେସିବି ଦ୍ୱାରା ମାଟି କାମ ଚାଲିଛି ବୋଲି ପ୍ରକାଶ କରିଛନ୍ତି । ଏଠାରେ ଯନ୍ତ୍ରୀଙ୍କ କଥା ଠିକ ନା ସମିତି ସଭ୍ୟଙ୍କ କଥା ଠିକ ସନ୍ଧେହ ରେ ଅଞ୍ଚଳବାସୀ । ଏ କାମ ଉପରେ ଟଙ୍କା ହଡପ କରିବା ପାଇଁ ଯୋଜନା କରାଯାଉ ନାହିଁ ତ ବୋଲି ପ୍ରଶ୍ନବାଚି ସୃଷ୍ଟି ହେଉଛି । ଏହାର ଉଚ୍ଚସ୍ତରୀୟ ତଦନ୍ତ କରାଗଲେ ସବୁ ତଥ୍ୟ ଜଣାପଡିବ ବୋଲି ସାଧାରଣରେ ଦାବି ହେଉଛି ।
ଗୋଲାମୁଣ୍ଡା ବ୍ଲକରୁ ରାମକୁମାର ସେନାପତି ଙ୍କ ରିପୋର୍ଟ, ପ୍ରଗତିଶୀଳ ମସିହା
