ଜୟପାଟଣା:୮/୭/୨୩ // ସରକାରୀ ବିଦ୍ୟାଳୟରେ ଶିକ୍ଷାର ବିକାଶ ପାଇଁ ଅନେକ ଉନ୍ନୟନ ମୂଳକ ଯୋଜନା କାର୍ଯ୍ୟକାରୀ ହେଉଛି । ତନ୍ମଧ୍ୟରେ ପୋଷାକ ମଧ୍ୟ ଅନ୍ତର୍ଭୁକ୍ତ । ଚଳିତ ସପ୍ତାହରେ ଜୟପାଟଣା ବ୍ଲକର ସମସ୍ତ ଶିକ୍ଷାନୁଷ୍ଠାନ ଗୁଡିକରେ ପୋଷାକ ବଣ୍ଟନଜି କାର୍ଯ୍ୟକ୍ରମ ଚାଲିଛି । ଆଜି ପ୍ରାତଃରୁ ଉଚ୍ଚ ପ୍ରାଥମିକ 
ବିଦ୍ୟାଳୟ କୁଚାଗାଁରେ ପୋଷାକ ବଣ୍ଟନ ଉତ୍ସବ ଆୟୋଜିତ ହୋଇଥିଲା । ଏହି ଉତ୍ସବରେ ବରିଷ୍ଠ ସାମ୍ବାଦିକ ଜଗମୋହନ ପଟ୍ଟନାୟକ,ଜିଲ୍ଲା ପରିଷଦ ଅଙ୍ଗଦ ମାଝୀ,ସମାଜସେବୀ ଫକୀର ଚରଣ ଦାସ,ଭବାନୀ ନାଏକ,ଆସମାନ ନାଏକ,ବିଦ୍ୟାଳୟର ପରିଚାଳନା କମିଟିର ସଭାପତି ପାର୍ଥ ଚରଣ ଦାସ,ପ୍ରମୁଖ ଛାତ୍ରଛାତ୍ରୀ ମାନଙ୍କୁ ଉଦବୋଧନ ଦେଇ ପୋଷାକ ବଣ୍ଟନ କରିଥିଲେ । ଜିଲ୍ଲା ପରିଷଦ ଅଙ୍ଗଦ ମାଝୀ ଏହି ଅବସରରେ 
ବିଦ୍ୟାଳୟର ଉନ୍ନତି କରଣ ପାଇଁ ଜିଲ୍ଲା ପରିଷଦ ଫଣ୍ଡରୁ କିଛି ଅର୍ଥରାଶି ପ୍ରଦାନ କରାଯିବ ବୋଲି ଘୋଷଣା କରିଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ସନ୍ତୋଷ ପଣ୍ଡାଙ୍କ ଆନ୍ତରିକ ଉଦ୍ୟମରେ ଏହି ଅବହେଳିତ ବିଦ୍ୟାଳୟର ରୂପରେଖ ପୂର୍ବାପେକ୍ଷା ବଦଳିବାରେ ଲାଗିଛି । ଅନ୍ୟ ଏକ କାର୍ଯ୍ୟକ୍ରମରେ ସର୍ଗିଗୁଡ଼ା ଉନ୍ନୀତ ଉଚ୍ଚ ବିଦ୍ୟାଳୟରେ ମଧ୍ୟ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ମଧ୍ୟ ସାମ୍ବାଦିକ ଜଗମୋହନ ପଟ୍ଟନାୟକ ଯୋଗଦେଇ ପୋଷାକ ବଣ୍ଟନର ଶୁଭ ଉଦଘାଟନ କରିଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ତ୍ରିଲୋଚନ ଦୁର୍ଗା ଏବଂ ତାଙ୍କର ସମସ୍ତ ସହଯୋଗୀ ଶିକ୍ଷକ ତଥା ବିଦ୍ୟାଳୟ ପରିଚାଳନା କମିଟିର ସଦସ୍ୟମାନେ ଉପସ୍ଥିତ ରହି ବଣ୍ଟନ ପ୍ରକ୍ରିୟାରେ ଭାଗ ନେଇଥିଲେ ।
ବରିଷ୍ଟ ପତ୍ରକାର ଜଗ ମୋହନ ପଟ୍ଟନାୟକ ଙ୍କ ରିପୋର୍ଟ୍
