ଜଗତପୁର,୦୭/୦୭:ଜଗତପୁର ନାନକାର ଗ୍ରାମର ଜଣେ କଲେଜ ଛାତ୍ରୀ ବେକରେ ଶାଢ଼ୀ ଲଗାଇ ଫ୍ୟାନରେ ଝୁଲି ଆତ୍ମହତ୍ୟା କରିଛନ୍ତି | ଖବର ପାଇ ପୁଲିସ ମୃତଦେହକୁ ଜବତ କରିଛି | ମୃତ ଛାତ୍ରୀ ଜଣକ ହେଉଛନ୍ତି ନାନକାର ଗ୍ରାମର ସ୍ମୃତିରେଖା ବାରିକ(୧୯)| ପ୍ରକାଶ ଯେ ସ୍ମୃତିରେଖା କୃଷ୍ଣଦେବୀ କଲେଜର ଯୁକ୍ତ ତିନ ପ୍ରଥମ ବର୍ଷ କଳା ଛାତ୍ରୀ ଭାବେ ଅଧ୍ୟୟନ କରୁଥିଲେ | କୌଣସି କାରଣକୁ ନେଇ ଛାତ୍ରୀ ଜଣକ ମାନସିକ ଭାରସାମ୍ୟ ହରାଇ ଶୁକ୍ରବାର ସଂଧ୍ୟା ସମୟରେ ଘର ଭିତର ପଟରୁ କବାଟ ବନ୍ଦକରି ବେକରେ ଶାଢ଼ୀ ଲଗାଇ ଫ୍ୟାନରେ ଝୁଲିପଡିଥିଲେ | ସଂଧ୍ୟା ସମୟରେ ପରିବାର ଲୋକେ କବାଟ ବନ୍ଦ ଥିବା ଦେଖି ମନରେ ସନ୍ଦେହ ସୃଷ୍ଟି ହୋଇଥିଲା | କବାଟ ଖୋଲିବାରୁ ଝିଅ ଫ୍ୟାନରେ ଝୁଲି ଆତ୍ମହତ୍ୟା କରିଥିବା ଦେଖିବାକୁ ପାଇଥିଲେ | ପୁଲିସ ମୃତଦେହକୁ ଜବତକରି ସାବିତ୍ରୀ ସ୍ୱେଛାସେବୀ ଅନୁଷ୍ଠାନ ସହାୟତାରେ ଶବ ବ୍ୟବଛେଦ ନିମନ୍ତେ କଟକ ବଡ ମେଡିକାଲକୁ ପଠାଇବା ସହ ଏକ ଅପମୃତ୍ୟୁ ମାମଲା ରୁଜୁ କରିଛି |
କଟକ ରୁ ସୁକାନ୍ତ ମହାପାତ୍ର ଙ୍କ ରିପୋର୍ଟ
