ନବରଙ୍ଗପୁର,12/7:-(ମସିହା)ଗତ ଦୁଇ ଦିନ ହେଲା କଳାହାଣ୍ଡି ଜିଲ୍ଲା କର୍ଲାପାଟ ଅଭୟାରଣ୍ୟ ରୁ ଏକ ହାତୀ ନବରଙ୍ଗପୁର ଓ କଳାହାଣ୍ଡି ସୀମାନ୍ତ ଜଙ୍ଗଲ ରେ ଆତଙ୍କ ସୃଷ୍ଟି କରି ଜଣକୁ ମାରି ଥିବା ବେଳେ ଆଜି ସକାଳ ମେରେଇ ଜଙ୍ଗଲ ଦେଇ ଖୁଡିଗୁଡା 
ଜଙ୍ଗଲ ରେ ବହୁତ ସମୟ ଧରି ରହିଥିଲା l ଫଳରେ ମେରେଇ, ଗାଦବାକତରା, ଖୁଡିଗୁଡା, ଦହଡା କୋଟ, ବାଣୁଆ ଗୁଡା, ଚଚରାଗୁଡା ଇତ୍ୟାଦି ଗାଁ ଲୋକ ଆତଙ୍କିତ ଅବସ୍ଥା ରେ ରହିଥିଲେ l ପ୍ରଥମେ ହାତୀ ର ପାଦ ଚି଼ହ୍ନ କୁ ବିଭାଗ ଚି଼ହ୍ନଟ କରିଥିବା ବେଳେ ପରେ ଖୁଡି ଗୁଡା ଜଙ୍ଗଲ ରେ ହାତୀ ଥିବା ଜଣାପଡିଥିଲା l 
ଗ୍ରାମବାସୀ ଙ୍କୁ ସୁରକ୍ଷା ଦେବା ପାଇଁ ବନ ବିଭାଗ ଜଙ୍ଗଲ ର ଚାରି ପାଖେ ଜଗି ରହିଥିଲେ l ଉକ୍ତ ସ୍ଥାନ ନିକଟ କୁ ଯିବା ପାଇଁ ବାରଣ କରିଥିଲେ l ସନ୍ଧ୍ୟା ବେଳକୁ ଆଉଁଳି ଓ ଢ଼େପଗୁଡା ମଝିରେ ଥିବା ଜଙ୍ଗଲ ରେ ଥିବା ବେଳେ ଘଉଡେଇବା ପାଇଁ ବନ ବିଭାଗ କୁ ନାକେଦମ ହେବା କୁ ପଡିଥିଲା l ମୈଦଲପୁର ବନପାଳ ମଧୁସୂଦନ ପାତ୍ର ଙ୍କ କହିବା ଅନୁସାରେ, ଦେବଗଡ଼ ଅଂଚଳ ରୁ ଏକ ହାତୀ 
ପଲ କର୍ଲାପାଟ ଅଂଚଳ କୁ ଆସିଥିଲେ l ସେଥି ମଧ୍ୟରୁ ଏକ ହାତୀ ବିଛିଡି ଏହି ଅଂଚଳ କୁ ଚାଲି ଆସିଥିଲା l ଉକ୍ତ ହାତୀ କୁ କଳାହାଣ୍ଡି ଅଭିମୁଖେ ଘଉଡେଇ ଦେଲେ ତାଙ୍କ ପଲ ରେ ମିଶିଯିବ ବୋଲି କହିଛନ୍ତି l ହାତୀ କୁ ଘଉଡେଇବା ପାଇଁ ଡାବୁଗାଁ ବନାଞ୍ଚଳ ଅଧୀକାରିଣୀ ସେତୁ ରଞ୍ଜନୀ ଗମାଙ୍ଗ ସହ ପୁରା ଟିମ ଉପସ୍ଥିତ ଥିଲେ l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନ୍ୟୁଜ
